ရောဂါပျံ့နှံ့မှုစူးစမ်းလေ့လာရေးနှင့် ထိန်းချုပ်ခြင်းဆိုင်ရာဗေဒပညာရှင်များသည် Covid-19 ကူးစက်ရောဂါကို စီမံရာတွင် အဓိကအခန်းကဏ္ဍမှ ပါဝင်ခဲ့သည်။ ရောဂါပျံ့နှံ့မှုစူးစမ်းလေ့လာရေးနှင့် ထိန်းချုပ်ခြင်းဆိုင်ရာဗေဒအကြောင်းနှင့် ရောဂါပျံ့နှံ့မှုစူးစမ်းလေ့လာရေးနှင့် ထိန်းချုပ်ခြင်းဆိုင်ရာ ကျွမ်းကျင်မှုနှင့် အယူအဆများသည် ဆေးခန်းကျွမ်းကျင်မှုနှင့် အယူအဆများနှင့် မည်သို့ကွာခြားသည်ကို သင်တွေးမိပေမည်။

ကပ်ရောဂါကာလတစ်လျှောက်တွင် သိပ္ပံပညာရှင်များသည် ဗိုင်းရပ် နှင့်ပတ်သက်သော ရောဂါပျံ့နှံ့မှုစူးစမ်းလေ့လာရေးနှင့် ထိန်းချုပ်ခြင်းဆိုင်ရာဗေဒနှင့် ၎င်းရောဂါကို ဖြစ်ပေါ်စေသောအရာများကို စတင်နားလည်လာကြသည်။ ရောဂါပြန့်ပွားပုံ၊ ရောဂါလက္ခဏာများနှင့် ရောဂါဖြစ်ပွားနိုင်ခြေပိုများနေသူများ၏ လူစုလူဝေးများ၏ ပုံသဏ္ဍာန်များအကြောင်း၊ ကာကွယ်ခြင်း၊ ကုသခြင်းနှင့် မူဝါဒဆိုင်ရာ ဆုံးဖြတ်ချက်များအတွက် အဓိကအချက်အလက်များကို ယခုကျွန်ုပ်တို့ပိုမိုသိရှိလာပါသည်။

ဤသင်ခန်းစာသည် ရောဂါကာကွယ်ရေးနှင့် ထိန်းချုပ်မှုတွင် ရောဂါပျံ့နှံ့မှုစူးစမ်းလေ့လာရေးနှင့် ထိန်းချုပ်ခြင်းဆိုင်ရာဗေဒပညာရှင်များ၏ အခန်းကဏ္ဍများကို နားလည်နိုင်စေပါသည်။ ရောဂါပျံ့နှံ့မှုစူးစမ်းလေ့လာရေးနှင့် ထိန်းချုပ်ခြင်းဆိုင်ရာဗေဒပညာရှင်များသည် တိရစ္ဆာန်တစ််ကောင်ချင်းစီတွင် ရောဂါကုသခြင်းထက် တိရစ္ဆာန်ကောင်ရေများတွင် ရောဂါများကို ကာကွယ်ထိန်းချုပ်ရန် အလေးထားကြောင်း သင်သိရှိလာပါလိမ့်မည်။

အဖွဲ့ခေါင်းဆောင်- Naomi Cogger
အဖွဲ့၀င်(များ)- Sabrina Greening
နိုင်ငံတွင်းလုပ်ဖော်ကိုင်ဖက်(များ)- Martha Simanjuntak
သုံးသပ်သူ- Navneet Dhand

ထိန်းချုပ်ရေးနှင့် ကာကွယ်ရေးအတွက် မည်သည့်ရောဂါများနှင့် ထုတ်လုပ်မှုပြဿနာများကို ဦးစားပေးလုပ်ဆောင်သင့်သည်ကို ဆုံးဖြတ်ရန်အတွက် ဖြစ်ပေါ်လာသည့် ပြဿနာအရွယ်အစားကို တိုင်းတာရန် အရေးကြီးပါသည်။

ပြဿနာကို တိုင်းတာရန် ဘုံနည်းလမ်းနှစ်ခုမှာ အချိန်နှင့်တစ်ပြေးညီ ဖြစ်ပွားမှုအပေါ် အလေးထားသည့် ရောဂါဖြစ်ပွားပျံ့နှံ့မှု ဖြစ်ပြီး သတ်မှတ်ထားသည့်အချိန်တစ်ခုအတွင်း ဖြစ်ပွားမှုအသစ်များကို အလေးထားသည့် ရောဂါအသစ်ဖြစ်ပွားမှုနှုန်းတို့ဖြစ်သည်။ 

တိရစ္ဆာန်အုပ်စုအတွင်းရှိ ရောဂါကူးစက်ဖြစ်ပွားမှုတွင်ပါသည့် ကောင်ရေ နှင့် ဖြစ်ပွားသည့် ကြိမ်နှုန်းအကြောင်း အချက်အလက်များသည် ရောဂါနှင့် တိရစ္ဆာန်အုပ်စု အပေါ် ၎င်း၏သက်ရောက်မှုအတိုင်းအတာကို နားလည်နိုင်ရန် ကူညီပေးပါသည်။ ဤသင်ခန်းစာတွင် ဤသဘောတရားများကို ပိုမိုအသေးစိတ်လေ့လာရပါသည်။

ရောဂါဖြစ်ပွားမှုနှုန်းကို တိုင်းတာခြင်း တွင် ရောဂါဖြစ်ပွားပျံ့နှံ့မှု နှင့် ဘေးအန္တရာယ်ရှိသည့် ရောဂါအသစ်ဖြစ်နိုင်သည့်နှုန်း၊ ထို့အပြင် ရောဂါဖြစ်ပွားပျံ့နှံ့မှု နှင့် ဘေးအန္တရာယ်ရှိသည့် ရောဂါအသစ်ဖြစ်နိုင်သည့်နှုန်း၊ သေဆုံးမှုနှုန်းကို မည်သို့တွက်ချက်၍ ရှင်းလင်းချက်ထုတ်မည်၊ တို့ကို ထည့်သွင်းဆွေးနွေးမည်ဖြစ်ပါသည်။

အဖွဲ့ခေါင်းဆောင်- Jenny-Ann Toribio
 အဖွဲ့၀င်(များ)- Isabel MacPhillamy၊ Anke Wiethoelter
 နိုင်ငံတွင်းလုပ်ဖော်ကိုင်ဖက်(များ)- Carolyn Benigno
 သုံးသပ်သူ- Cord Heuer

ယခင်သင်ခန်းစာ၊ ရောဂါဖြစ်ပွားမှုအကြိမ်ရေတိုင်းတာမှုတွင် ရောဂါဖြစ်ပွားပျံ့နှံ့မှုနှင့် ရောဂါအသစ်ဖြစ်ပွားမှု အန္တရာယ် တို့ကို တိုင်းတာခြင်းဖြင့် ရောဂါ သို့မဟုတ် ထုတ်လုပ်မှုပြဿနာ၏အတိုင်းအတာကို ဖော်ပြနည်းအကြောင်း သင်လေ့လာခဲ့သည်။ ယခုသင်ခန်းစာတွင် ရောဂါပျံ့နှံ့မှုစူစမ်းလေ့လာရေးနှင့် ထိန်းချုပ်ခြင်းဆိုင်ရာ ဆက်စပ်မှုများ၊ ဘေးအန္တရာယ်ဖြစ်လာနိုင်ချေရှိသော အကြောင်းတရားများ၊ ရောဂါကြောင့်ဖြစ်လာသော ရလာဒ်များ၊ odd ratio နှင့် risk ratio တွက်ချက်မှုများ၊ odd ratio နှင့် risk ratio များကို ကောက်ချက်ဆွဲခြင်းများ၊ နှင့် သင့်လျှော်သော တိုင်းတာမှုများကို ဆုံးဖြတ်ခြင်းတို့ပါဝင်ပါသည်။

ရောဂါတစ်ခု သို့မဟုတ် ထုတ်လုပ်မှုပြဿနာသည် ပြဿနာတစ်ခု အကြောင်းရင်းဖြစ်ကြောင်း ဖော်ထုတ်ပြီးနောက်၊ သင်သည် ဤပြဿနာဖြစ်ပွားစေရန် အထောက်အကူဖြစ်စေသည့်အချက်များကို ရှာဖွေဖော်ထုတ်လိုပါသည်။ ထို့နောက် ၎င်းကို တားဆီးရန် သို့မဟုတ် လျှော့ချရန် ကူညီပေးနိုင်သည့် လုပ်ဆောင်ချက်များကို သင်ဖော်ထုတ်နိုင်သည်။ ရောဂါပျံ့နှံ့မှုစူးစမ်းလေ့လာရေးနှင့် ထိန်းချုပ်ခြင်းဆိုင်ရာ ဆက်စပ်မှု ဆောင်ရွက်ချက်များကို အသုံးပြု၍ ရောဂါ သို့မဟုတ် ထုတ်လုပ်မှုပြဿနာနှင့် ဆက်စပ်နေသော အကြောင်းရင်းများကို ခွဲခြားသတ်မှတ်နည်းကို သင်လေ့လာရပါမည်။

အဖွဲ့ခေါင်းဆောင်- Jenny-Ann Toribio
အဖွဲ့၀င်(များ)- Isabel MacPhillamy; Anke Wiethoelter
နိုင်ငံကိုယ်စားပြု- Carolyn Benigno
သုံးသပ်သူ- Cord Heuer

ရောဂါသည် လုံးဝ သာတူညီမျှရွေးချယ်ခံရပြီး  ဖြစ်ပွားသည်မှာ ရှားပါးပါသည်။ ရောဂါ၏ ကူးစက်ပျံ့နှံ့မှုစူးစမ်းလေ့လာရေးနှင့် ထိန်းချုပ်ခြင်းဆိုင်ရာဗေဒကို စုံစမ်းစစ်ဆေးရာတွင် အရေးကြီးသောကျွမ်းကျင်မှုနှစ်ခုမှာ ရောဂါပုံစံများကို အချိန်မီ ခွဲခြားဖော်ထုတ်ခြင်း (ရောဂါများဖြစ်ပွားပုံ သို့မဟုတ် ပျံ့နှံ့သည့် အချိန်အပိုင်းအခြားများ) နှင့် နေရာဒေသအဝင်း ရောဂါပုံစံများ (မတူညီသော နေရာကြား ရောဂါဖြစ်ပွားပုံ သို့မဟုတ် ပျံ့နှံ့ပုံ) တို့ဖြစ်သည်။ ဤသင်ခန်းစာသည် ဤပုံစံများကို သိရှိအောင်လုပ်နည်း ဖြစ်ပါသည်။ ၎င်းသည် သင့်အား အခြေခံရောဂါဖြစ်ပွားမှုပြဂရပ်များနှင့် ရောဂါမြေပုံများ ဖန်တီးခြင်းနှင့် အဓိပ္ပာယ်ဖွင့်ဆိုခြင်းတို့ကို မိတ်ဆက်ပေးသည်။ ရောဂါဖြစ်ပွားမှုကိုဖော်ပြရန် သင်၏ကိုယ်ပိုင် ရေးဆွဲထားသည့် ရောဂါဖြစ်ပွားမှုပြဂရပ်များနှင့် မြေပုံများကို ဖန်တီးရပါမည်။

ကျွန်ုပ်တို့သည် ရောဂါဖြစ်ပွားမှုပြ ဂရပ်တစ်ခုကို ဖန်တီးရန်နှင့် အဓိပ္ပာယ်ဖွင့်ဆိုရန် ဒေတာကိုအသုံးပြု၍ ရောဂါ၏ပုံစံများကို အချိန်မီသိရှိနိုင်ပုံကို ဦးစွာလေ့လာပါသည်။ ထို့နောက် ကျွန်ုပ်တို့သည် နေ‌ရာဒေသအတွင်း ရောဂါပုံစံများကို ခွဲခြားသတ်မှတ်နည်းကို အဓိကထားကာ အခြေခံရောဂါမြေပုံများကို ဖန်တီးခြင်းနှင့် အဓိပ္ပာယ်ပြန်ဆိုခြင်းတို့ကို လုပ်ဆောင်ပါမည်။

အဖွဲ့ခေါင်းဆောင်- Caitlin Pfeiffer
 အဖွဲ့၀င်(များ)- Mark Stevenson Harish Tiwari
 နိုင်ငံတွင်းလုပ်ဖော်ကိုင်ဖက်(များ)- Imas Yuyun
 သုံးသပ်သူ- Naomi Cogger

ရောဂါရှာဖွေစမ်းသပ်မှုဆိုသည်မှာ တစ်ကောင်ချင်းစီတွင် ရောဂါရှာဖွေရန် အသုံးပြုနိုင်သည့် လုပ်ငန်းစဉ် သို့မဟုတ် ကိရိယာတစ်ခုဖြစ်သည်။ ဤသင်ခန်းစာသည် ရောဂါရှာဖွေစမ်းသပ်မှုများ၏ အကဲဖြတ်ခြင်းနှင့် တိရစ္ဆာန်ဆေးကုဆိုင်ရာ ရောဂါပျံ့နှံ့မှုစူးစမ်းလေ့လာရေးနှင့် ထိန်းချုပ်ခြင်းဆိုင်ရာ အခြေအနေများတွင် ၎င်းတို့ကို အသုံးချမှုအကြောင်းဖြစ်သည်။ ဆေးဘက်ဆိုင်ရာနှင့် တိရစ္ဆာန်ရောဂါပျံ့နှံမှုစူးစမ်းလေ့လာရေးနှင့် ထိန်းချုပ်ရေးဆိုင်ရာ ဆက်တင်နှစ်ခုလုံးတွင် တိရစ္ဆာန်တစ်ကောင်ချင်းစီနှင့် တိရစ္ဆာန်ကောင်ရေများ၏ ရောဂါအခြေအနေကို ဆုံးဖြတ်ရန်ကြိုးပမ်းသည့်အခါ ရောဂါရှာဖွေစမ်းသပ်မှုရလဒ်များကို တိကျစွာ အဓိပ္ပာယ်ပြန်ဆိုရန် အရေးကြီးပါသည်။ ၎င်းသည် ကျွန်ုပ်တို့အား သင့်လျော်သော ရောဂါထိန်းချုပ်မှုနှင့် ကြားဝင်ဆောင်ရွက်မှုများ ရွေးချယ်မှုများကို ရွေးချယ်ရန်၊ တိကျသော ကြိုတင်ခန့်မှန်းမှုကို ပေးစွမ်းနိုင်ပြီး ရောဂါကူးစက်မှုဆိုင်ရာ မှန်ကန်သော ကောက်ချက်ချမှုများကို ပြုလုပ်နိုင်စေပါသည်။

ဤသင်ခန်းစာတွင် ရောဂါရှာဖွေစမ်းသပ်မှုများကို မည်သို့အကဲဖြတ် ရမည်ကို ရည်ရွယ်ချက်ခိုင်မာမှုအရ ထည့်သွင်းစဉ်းစားရမည်ဖြစ်ပါသည်။  တိရစ္ဆာန်ကူးစက်ရောဂါဆိုင်ရာ အကြောင်းအရာများတွင် ရောဂါရှာဖွေစမ်းသပ်မှုရလဒ်များ၏ အဓိပ္ပာယ်ဖွင့်ဆိုချက်နှင့်ပတ်သက်၍ သင့်အသိပညာကို မြှင့်တင်ပေးပါမည်။

အဖွဲ့ခေါင်းဆောင်- Simon Firestone
အဖွဲ့သား(များ)- Victoria Brookes
နိုင်ငံတွင်းလုပ်ဖော်ကိုင်ဖက်(များ)- Khrisdiana Putri
သုံးသပ်သူ- Joerg Henning

မေးခွန်းလွှာရေးဆွဲခြင်းသည် ရောဂါပျံ့နှံ့မှုစူးစမ်းလေ့လာရေးနှင့်ထိန်းချုပ်ရေးဗေဒ ကွင်းဆင်းပညာရှင်အတွက် အဓိကကျွမ်းကျင်မှုတစ်ခုဖြစ်သည်။ ရောဂါဖြစ်ပွားမှုစုံစမ်းစစ်ဆေးမှုများ၊ စစ်တမ်းများနှင့် စူးစမ်းလေ့လာမှုများအတွက် ဒေတာစုဆောင်းနိုင်ရန် မေးခွန်းပုံစံများ လိုအပ်ပါသည်။ ကောင်းမွန်စွာ ဒီဇိုင်းဆွဲထားသော မေးခွန်းလွှာသည် သင့်အား ပိုမိုကောင်းမွန်သော အရည်အသွေးရှိသည့် အချက်အလက်များကို စုဆောင်းနိုင်စေမည်ဖြစ်သည့်အတွက် သင့်အား မှန်ကန်သော ကောက်ချက်ချမှုများ ပြုလုပ်နိုင်စေမည်ဖြစ်သည်။

ဤသင်ခန်းစာတွင် စစ်တမ်းမေးခွန်းလွှာတစ်ခုအား မည်သို့ရေးဆွဲရမည်ကို လေ့လာနိုင်ပါမည်။ ဤကျွမ်းကျင်မှုများကို APCOVE လေ့ကျင့်ရေးပရိုဂရမ်ရှိ အခြားသော သင်ခန်းစာအများအပြားတွင် အသုံးပြုသွားပါမည်။ ဤ သင်ခန်းစာသည် ဘေးအန္တရာယ်ဖြစ်စေသောအကြောင်း အချက်အလက် စုဆောင်းရန် မေးခွန်းပုံစံရေးဆွဲခြင်းအား အဓိကထားမည်ဖြစ်သည်၊ သို့သော် ဤသင်ခန်းစာကို ပြီးမြောက်ခြင်းဖြင့် သင်ယူရရှိမည့်အရည်အချင်းများသည် အခြားရည်ရွယ်ချက်များအတွက် မေးခွန်းပုံစံများရေးဆွဲခြင်းအတွက် ထပ်တူထပ်မျှ အသုံးဝင်ပါသည်။ ဥပမာအားဖြင့် သင်သည် ရောဂါ ဖြစ်ပွားမှုတစ်ခုကို စုံစမ်းစစ်ဆေးဖော်ထုတ်ခြင်း၊ စောင့်ကြည့်ခြင်း၊ သို့မဟုတ် လူမှုကူးစက်ရောဂါဆိုင်ရာလေ့လာမှုများပြုလုပ်ရန်အတွက် မေးခွန်းလွှာတစ်ခုကို အသုံးပြုနိုင်ပါသည်။

အဖွဲ့ခေါင်းဆောင်- Navneet Dhand
အဖွဲ့၀င်(များ)- Naomi Cogger၊ Harish Tiwari
နိုင်ငံတွင်းလုပ်ဖော်ကိုင်ဖက်(များ)- Abrao Pereira
သုံးသပ်သူ- Marika Wenemark

ဤသင်ခန်းစာသည် ရောဂါဖြစ်ပွားမှုစုံစမ်းစစ်ဆေးခြင်းအတွက် ကြိုတင်ပြင်ဆင်နည်းဖြစ်သည်။ ၎င်းသည် ‘ရောဂါဖြစ်ပွားမှုစုံစမ်းစစ်ဆေးဖော်ထုတ်ခြင်းနှင့် တုံ့ပြန်ခြင်း’ စွမ်းရည်၏ ပထမဆုံး သင်ခန်းစာဖြစ်ပြီး နိဒါန်းအကျုံးချုပ်ကို ‌ပေးထားပါသည်။ ထိရောက်သော ရောဂါဖြစ်ပွားမှုစုံစမ်းစစ်ဆေးဖော်ထုတ်မှုများအတွက် ကြိုတင်ပြင်ဆင်မှု၏အရေးပါပုံကို သင်နားလည်နိုင်စေမည်ဖြစ်သည်။

ဦးစွာ ကျွန်ုပ်တို့သည် ရောဂါဖြစ်ပွားမှုစုံစမ်းစစ်ဆေးဖော်ထုတ်ခြင်း၏ ရည်ရွယ်ချက်ကို ဆန်းစစ်ပြီး စနစ်တစ်ကျပြင်ဆင်ထားသည့် ချဉ်းကပ်မှုသည် အရေးကြီးရသည့် အကြောင်းရင်းကို လေ့လာပါမည်။ ထို့နောက် စုံစမ်းစစ်ဆေးမှုပုံစံများနှင့် ကိရိယာများအပါအဝင် အဖွဲ့၏အခန်းကဏ္ဍများ၊ ကျွမ်းကျင်မှုများနှင့် အရင်းအမြစ်များဆိုင်ရာ စုံစမ်းစစ်ဆေးမှုကို မည်သို့တည်ဆောက်ရမည်ကို ဆွေးနွေးပါမည်။ ရောဂါဖြစ်ပွားမှုစုံစမ်းစစ်ဆေးဖော်ထုတ်မှုတွင် ပါဝင်သူတိုင်း၏ ဘေးကင်းရေးနှင့် ကျန်းမာဖူလုံရေးအတွက် တစ်ကိုယ်ရေကာကွယ်ရေးပစ္စည်းကိရိယာနှင့် ၎င်း၏သင့်လျော်သောအသုံးပြုမှုတို့ကိုအကျဉ်းချုပ်ဖော်ပြထားသည်။ ဤသင်ခန်းစာတောက်လျှောက်ရှိ လုပ်ဆောင်ချက်များသည် သင်၏ကိုယ်ပိုင်ဆက်တင်နှင့် လိုအပ်ချက်များအပေါ်အခြေခံ၍ ရောဂါဖြစ်ပွားမှုစုံစမ်းစစ်ဆေးဖော်ထုတ်ခြင်းများအတွက် သင်၏ကိုယ်ရေးကိုယ်တာပြင်ဆင်မှုကို ပံ့ပိုးပေးမည်ဖြစ်ပြီး အားပေးကူညီမည်ဖြစ်သည်။

အသင်းခေါင်းဆောင်- Anke Wiethoelter
အဖွဲ့၀င်(များ)- Joerg Henning
နိုင်ငံတွင်းလုပ်ဖော်ကိုင်ဖက်(များ)- Martha Simanjuntak
သုံးသပ်သူ- Evan Sergeant

ယခုအခါတွင် ရောဂါဖြစ်ပွားမှုစုံစမ်းစစ်ဆေးဖော်ထုတ်ခြင်းအတွက် ကြိုတင်ပြင်ဆင်နည်းကို သင်သိပြီးဖြစ်သည့်အတွက် ဤသင်ခန်းစာသည် ရောဂါဖြစ်ပွားမှုစုံစမ်းစစ်ဆေးခြင်းကို မည်သို့လုပ်ဆောင်ရမည်ကို အလေးပေးထားသည်။ ၎င်းတွင် ရောဂါဖြစ်ပွားမှုစုံစမ်းစစ်ဆေးဖော်ထုတ်ခြင်းလုပ်ဆောင်သည့်အဆင့်များ၏ခြုံငုံသုံးသပ်ချက်ကို ပေးထားသည်။ ဤသင်ခန်းစာသည် ရောဂါဖြစ်ပွားမှုစုံစမ်းစစ်ဆေးခြင်းအပေါ် စနစ်တကျ ချဉ်းကပ်နည်းနှင့် ထိုချဉ်းကပ်နည်းကို လက်တွေ့ကျင့်သုံးနိုင်ပုံအား နားလည်စေမည်ဖြစ်သည်။

ရောဂါဖြစ်ပွားမှုစုံစမ်းစစ်ဆေးဖော်ထုတ်ခြင်းအတွက် မူဘောင်တစ်ခုပေးစွမ်းနိုင်သည့် အဆင့် ၁၀ ခုပါသည့် လုပ်ငန်းစဉ်ကို ကျွန်ုပ်တို့မိတ်ဆက်ပေးပါမည်။ အရည်အသွေးကောင်းသည့် အချက်အလက်များ စုဆောင်းခြင်း၊ ခိုင်လုံသော ယူဆချက်များကို ဖော်ထုတ်ပြီး သင့်လျော်သော ထိန်းချုပ်မှု အစီအမံများကို အကောင်အထည်ဖော်ကြောင်း သေချာစေပါသည်။ ကျွန်ုပ်တို့သည် လုပ်ငန်းစဉ်၏ အဆင့်တစ်ဆင့်ချင်းစီကို ရှင်းပြပြီး လက်တွေ့ဖြစ်ပွားမှုစုံစမ်းစစ်ဆေးမှုများတွင် ဤအဆင့်များကို ကျင့်သုံးနည်းနှင့်ပတ်သက်၍ အရေးကြီးသောအချက်အလက်များကို ပေးပါမည်။ အဘယ်ကြောင့် အဆင့် ၁၀ ခုပါ လုပ်ငန်းစဉ်ကို အသုံးပြုသင့်သည်ကိုကျွန်ုပ်တို့ရှင်းပြပါမည်။

အဖွဲ့ခေါင်းဆောင်- Caitlin Pfeiffer
အဖွဲ့၀င်(များ)- Joerg Henning
နိုင်ငံတွင်းလုပ်ဖော်ကိုင်ဖက်(များ)- Martha Simanjuntak
သုံးသပ်သူ- Mark Stevenson

တိရစ္ဆာန်တစ်ဦးချင်း သို့မဟုတ် တိရစ္ဆာန်အုပ်စုတစ်စုသည် ရောဂါဖြစ်ပွားလာခြင်းမှာ ဘေးအန္တရာယ်ကို အခြေပြုသည့် ဖြစ်စဉ်ကြောင့် ပင်ဖြစ်ပါသည်။  အချို့သော ဝိသေသလက္ခဏာများသည် ရောဂါဖြစ်ပွားနိုင်ခြေ (ဆိုလိုသည်မှာ ဖြစ်နိုင်ခြေ) တိုးလာစေသည် သို့မဟုတ် လျော့ကျစေသည်။ ရောဂါဖြစ်နိုင်ခြေကို တိုးမြင့်စေသော တိရစ္ဆာန်များ၏ လက္ခဏာများကို ဖော်ထုတ်နိုင်လျှင် ဤလက္ခဏာများကို လျှော့ချခြင်း သို့မဟုတ် ဖယ်ရှားခြင်း သို့မဟုတ် ဤလက္ခဏာများနှင့် ထိတွေ့ခြင်းကို ရှောင်ခြင်းဖြင့် ရောဂါဖြစ်ပွားနိုင်ခြေကို လျှော့ချနိုင်သည်။

အလားတူပင် ရောဂါဖြစ်နိုင်ခြေကို လျော့ကျနိုင်သော လက္ခဏာများကို ပြသပါက အဆိုပါလက္ခဏာများကို မြှင့်တင်ခြင်း သို့မဟုတ် ထိုလက္ခဏာများနှင့် ထိတွေ့ခြင်းမှ တိရစ္ဆာန်တစ်ကောင် ရောဂါဖြစ်ပွားနိုင်ခြေကို လျော့နည်းစေမည်ဖြစ်သည်။ ဤ သင်ခန်းစာတွင် သင့်အား ရောဂါရှိနေခြင်းနှင့် ဆက်စပ်သော ဝိသေသလက္ခဏာများကို ဖော်ထုတ်ရန် ကိရိယာများနှင့် နည်းစနစ်များကို ပေးထားပါသည်။ ဤလက္ခဏာများကို ရောဂါဖြစ်စေနိုင်သောအချက်များဟုခေါ်သည်။

အဖွဲ့ခေါင်းဆောင်- Mark Stevenson
အဖွဲ့၀င်(များ)- Simon Firestone
နိုင်ငံတွင်းလုပ်ဖော်ကိုင်ဖက်(များ)- ကျော်နိုင်ဦး
သုံးသပ်သူ- Naomi Cogger

ဤ သင်ခန်းစာတွင် ရောဂါဖြစ်ပွားမှုစုံစမ်းစစ်ဆေးဖော်ထုတ်ရေးတစ်ခု လုပ်ဆောင်ခြင်း သင်ခန်းစာနှင့် အခြားဆက်စပ်သော သင်ခန်းစာများတွင် သင်ရရှိသောအသိပညာနှင့် ကျွမ်းကျင်မှုများကို သင်အသုံးပြုပါမည်။ ဤအရည်အချင်းများကို ဗီယက်နမ်ရှိ ကြက်ငှက်တုပ်ကွေးရောဂါ (AI) ဖြစ်ပွားမှုအခြေအနေတွင် သင် အသုံးပြုနိုင်ပါမည်။

ဖြစ်စဉ်၏ အဓိပ္ပါယ်ဖွင့်ဆိုချက်အား မည်သို့ဖော်ထုတ်ရမည်ကို လေ့လာပြီး သံသယရှိ AI ရောဂါဖြစ်ပွားမှုကို စုံစမ်းစစ်ဆေးရန် သင်လုပ်ဆောင်ရမည့် အဆင့်များကို ခွဲခြားသတ်မှတ်နိုင်မည်ဖြစ်သည်။ သင်သည် ရောဂါဖြစ်ပွားမှုပြဂရပ်တစ်ခုကို ဖန်တီးပြီး အဓိပ္ပာယ်ဖွင့်ဆိုရန်နှင့် မြေပုံပေါ်တွင် AI ကူးစက်ထားသည့် တည်နေရာများကို ပြန်လည်သုံးသပ်ရန်အတွက် ရောဂါဖြစ်ပွားမှုဒေတာကို အသုံးပြုမည်ဖြစ်သည်။ သင်ခန်းစာသည် ရောဂါဖြစ်ပွားနိုင်ချေကို တွန်းအားပေးသည့်အရာများအကြောင်း ကောက်ချက်ချရန်အတွက် ဒေသအလိုက် အချက်အလက်ကို သင်မည်ကဲ့သို့ အသုံးပြုနိုင်ကြောင်း သရုပ်ပြမည်ဖြစ်သည်။ ဤအချက်အလက်သည် ထိန်းချုပ်မှုဗျူဟာများကို ဆုံးဖြတ်ရာတွင်လည်း ကူညီပေးပါလိမ့်မည်။

အဖွဲ့ခေါင်းဆောင်- Joerg Henning
အဖွဲ့၀င်(များ)- Simon Firestone
နိုင်ငံတွင်းလုပ်ဖော်ကိုင်ဖက်(များ)- Pawin Padungtod
သုံးသပ်သူ- Mark Stevenson

ဤသင်ခန်းစာတွင် မြန်မာနိုင်ငံတွင် ခွာနာလျှာနာရောဂါ (foot-and-mouth disease, FMD) ဖြစ်ပွားမှု အခြေအနေအား စုံစမ်းစစ်ဆေးရန် သင်ယခင်က ရရှိခဲ့သော အသိပညာနှင့် ကျွမ်းကျင်မှုများကို အသုံးပြုပါမည်။

ဖြစ်စဉ်အဓိပ္ပါယ်ဖွင့်ဆိုပုံနှင့် သံသယရှိသော FMD ဖြစ်ပွါးမှုကို စုံစမ်းစစ်ဆေးရန် အဆင့်များကို ခွဲခြားသတ်မှတ်ရန် သင်လေ့လာရပါမည်။ FMD ဖြစ်ပွားမှု၏အတိုင်းအတာကိုဖော်ပြရန် သင်အသုံးပြုရမည့် စုံစမ်းစစ်ဆေးမှုများအကြောင်း သင်လေ့လာရပါမည်။

သင်သည် ရောဂါဖြစ်ပွားမှုပြဂရပ်တစ်ခုကို ဖန်တီးပြီး အဓိပ္ပာယ်ပြန်ဖွင့်ဆိုရမည်ဖြစ်ပြီး ရောဂါဖြစ်စေသည်ဟု ယူဆထားသော အချက်နှင့် FMD ဖြစ်ပွားမှုကြား ဆက်စပ်မှုကို တွက်ချက်ရန်အတွက် သင်အသုံးပြုရမည့် နည်းလမ်းကို ဖော်ပြပါမည်။ သင်သည် မြေပုံပေါ်တွင် FMD ဖြစ်ပွားနေသော တည်နေရာများကိုလည်း ပြန်လည်သုံးသပ်ပြီး ရောဂါဖြစ်စေနိုင်သည့် အရာများကို ဖော်ထုတ်ရပါမည်။ ထို့နောက် FMD ဖြစ်ပွားမှုကို ထိန်းချုပ်ရန် မဟာဗျူဟာများကို သင်ဆုံးဖြတ်ရမည်ဖြစ်သည်။

အဖွဲ့ခေါင်းဆောင်- Joerg Henning
အဖွဲ့၀င်(များ)- Art Subharat
နိုင်ငံတွင်းလုပ်ဖော်ကိုင်ဖက်(များ)- ခင်ဥမ္မာလွင်
သုံးသပ်သူ- Victoria Brookes

ရေနေသတ္တဝါမွေးမြူရေးသည် အလွန်အရေးကြီးသော တိရစ္ဆာန်ထုတ်လုပ်မှု ကဏ္ဍတစ်ခု ဖြစ်ပါသည်။ အထူးသဖြင့် ပင်လယ်စာသည် ဝင်ငွေနှင့် အာဟာရအရင်းအမြစ်ဖြစ်သည့် အာရှတွင် လူအများအပြား၏ အသက်မွေးဝမ်းကြောင်းကို ထောက်ပံ့ပေးသည်။

ဤသင်ခန်းစာတွင် ရောဂါဖြစ်ပွားမှု စုံစမ်းစစ်ဆေးခြင်းအတွက် စံနည်းလမ်းသည် မွေးမြူရေး ရေနေသတ္တဝါများ၏ ကျန်းမာရေးကို မည်ကဲ့သို့တိုးတက်စေနိုင်ကြောင်း သင်သုံးသပ်ရပါမည်။ အင်ဒိုနီးရှားနိုင်ငံရှိ ဂရူပါငါး အသေးစား ပင်လယ်လှောင်အိမ် မွေးမြူရေးခြံတွင် ဖြစ်စဉ်လေ့လာမှုကို သင်လုပ်ဆောင်ရမည် ဖြစ်ပါသည်။ အသစ်ထည့်ထားသော ငါးများကြားတွင် သေဆုံးမှု အကြိမ်ကြိမ် ဖြစ်ပွားသည့် ပြဿနာတစ်ခု မွေးမြူရေးခြံတွင် ရှိနေပါသည်။ ရောဂါဖြစ်ပွားမှု စုံစမ်းစစ်ဆေးရေးကို လုပ်ဆောင်ခြင်းဖြင့် သင်သည် မူလရောဂါ ပြဿနာကို ရှာဖွေဖော်ထုတ်နိုင်ပြီး ဒေသတွင်းရှိ ငါးမွေးမြူရေးခြံများတွင် ပိုမိုကောင်းမွန်သော ကျန်းမာရေးနှင့် ထုတ်လုပ်မှုအတွက် အကြံပြုချက်များ ပြုလုပ်နိုင်မည် ဖြစ်ပါသည်။

အဖွဲ့ခေါင်းဆောင်- Paul Hick
အဖွဲ့၀င်(များ)- Joy Becker
နိုင်ငံတွင်းလုပ်ဖော်ကိုင်ဖက်(များ)- Widagdo Sri Nugroho
သုံးသပ်သူ- Evan Sergeant

ဤသင်ခန်းစာသည် ရောဂါဖြစ်ပွားမှုစုံစမ်းစစ်ဆေးခြင်းဆိုင်ရာ သဘောတရားများကို ယူဆထားသည့် ရောဂါဖြစ်ပွားမှုတွင် အသုံးချနိုင်အောင် လုပ်ဆောင်ပေးပါသည်။ ၎င်းသည် ရောဂါဖြစ်ပွားမှုစုံစမ်းစစ်ဆေးခြင်း၏ အဆင့်များနှင့်သင့်အား ရင်းနှီးစေမည်ဖြစ်ပြီး သင့်အားဆုံးဖြတ်ချက်ချသည့်အလေ့အကျင့်ကိုပေးမည်ဖြစ်သည်။ ဤဖြစ်ရပ်သည် ဗီယက်နမ်တွင် အာဖရိကဝက် အပြင်းဖျားရောဂါ (ASF) ဖြစ်ပွားမှုအပေါ် အဓိကထားပြီး ဤကူးစက်နိုင်ခြေများသော ရောဂါပျံ့နှံ့မှုကို ကာကွယ်ရန် လိုအပ်သည့် လုပ်ဆောင်ချက်များကို မီးမောင်းထိုးပြထားသည်။

အာဖရိကဝက်အပြင်းဖျားရောဂါသည် Asfivirus မျိုးစုတွင်ပါ၀င်သော ကြီးမားသော DNA ဗိုင်းရပ်စ်ကြောင့် ဖြစ်ပွားသောဗိုင်းရပ်စ်ရောဂါဖြစ်သည်။ ရောဂါဖြစ်ပွားမှုအစတွင် အတိအကျမဟုတ်သော ကျန်းမာရေးလက္ခဏာများ သို့မဟုတ် အခြားလက္ခဏာများမရှိဘဲ ရုတ်တရက်သေဆုံးခြင်းက နယ်ပယ်တွင်း ရောဂါရှာဖွေစမ်းသပ်မှုကို နှောင့်နှေးစေကာ ရောဂါကို လျင်မြန်စွာပျံ့နှံ့စေပါသည်။ ASF ဗိုင်းရပ်စ်ကို စောစီးစွာသိရှိနိုင်ခြင်း၊ အစီရင်ခံခြင်းနှင့် အတည်ပြုခြင်းတို့သည် ရောဂါ၏သက်ရောက်မှုကို လျော့ပါးသက်သာစေရာတွင် အရေးကြီးပါသည်။

အသင်းခေါင်းဆောင်- Andres Perez
အဖွဲ့၀င်(များ)- Mary Katherine O’Brien၊ Daniella Schettino၊ Rachel Schambow
နိုင်ငံတွင်းလုပ်ဖော်ကိုင်ဖက်(များ)- Abrao Pereira
သုံးသပ်သူ- Evan Sergeant

ရောဂါ(များ)ကို မှတ်တမ်းတင်ရန်နှင့် ၎င်းတို့အား ထိန်းချုပ်ကာကွယ်ရန် နိုင်ငံတိုင်းတွင် တိရစ္ဆာန်ကျန်းမာရေး စောင့်ကြည့်မှု အဆင့်အချို့ရှိပါသည်။ သို့သော်လည်း ရောဂါဖြစ်ပွားစေသည့်အရာများ၊ အန္တရာယ်ရှိသည့် တိရစ္ဆာန်ကောင်ရေနှင့် ဒေသပတ်ဝန်းကျင်အခြေအနေများအပေါ် မူတည်၍ စောင့်ကြည့်စစ်ဆေးမှုလိုအပ်ချက်များ ကွဲပြားပါသည်။ စူးစမ်းလေ့လာရေးဆိုင်ရာ လုပ်ဆောင်နိုင်စွမ်းများသည် နိုင်ငံအလိုက် ကွဲပြားမှုများရှိပါသည်။

ဤသင်ခန်းစာတွင် ကျွန်ုပ်တို့သည် တိရစ္ဆာန်ရောဂါစောင့်ကြည့်ခြင်းအား အဘယ်ကြောင့်လုပ်ဆောင်ရကြောင်းနှင့် ရည်ရွယ်ချက်နှင့်ကိုက်ညီသော စောင့်ကြည့်ရေးလှုပ်ရှားမှုများကို မည်သို့ရွေးချယ်ရမည်ကို လေ့လာနိုင်မည်ဖြစ်ပါသည်။ ကျွန်ုပ်တို့သည် စူးစမ်းလေ့လာခြင်းဟူသည် မည်သို့သော အရာဖြစ်သည်ကို သတ်မှတ်ပြီး စူးစမ်းလေ့လာခြင်းအားပြုလုပ်ရသည့် အကြောင်းရင်းများကို စာရင်းပြုစုပါမည်။ စူးစမ်းလေ့လာမှု ဆောင်ရွက်ချက်အမျိုးမျိုး ရှိသော်လည်း စူးစမ်းလေ့လာမှုရည်ရွယ်ချက် အားလုံး (ရောဂါကင်းဝေးခြင်း သို့မဟုတ် ရောဂါအဆင့်ကို သရုပ်ပြခြင်း) အတွက် တစ်ခုမှအသုံးမဝင်ပေ။ ပေးထားသည့် စူးစမ်းလေ့လာရေးရည်ရွယ်ချက်အတွက် သင်လိုအပ်မည့် အချက်အလက်များကို ထိထိရောက်ရောက် ပံ့ပိုးပေးနိုင်သည့် ကိရိယာအချို့ကို ကျွန်ုပ်တို့ ပြန်လည်သုံးသပ်ပါမည်။

အဖွဲ့ခေါင်းဆောင်- Charles Caragel
အဖွဲ့၀င်(များ)- Jenny-Ann Toribio
နိုင်ငံတွင်းလုပ်ဖော်ကိုင်ဖက်(များ)- စိုးစိုးဝေ
သုံးသပ်သူ- Sam Hamilton

တိရစ္ဆာန်ဆေးကုဆရာဝန်များနှင့် တိရစ္ဆာန်ကျန်းမာရေးပညာရှင်များမှ အောက်ပါတို့ကို စစ်တမ်းကောက်ယူမှုများ ပြုလုပ်ပါသည် –

• တိရစ္ဆာန်အုပ်စုတစ်ခုတွင် တစ်စုံတစ်ခု၏ အကြိမ်ရေ (ဥပမာ ကူးစက်မှု၊ ရောဂါ သို့မဟုတ် ရောဂါဖြစ်နိုင်သည့်အချက်) ကို ရှာဖွေပါ
• တိရစ္ဆာန်အုပ်စုတစ်ခုထဲတွင် တစ်စုံတစ်ခု ရှိ၊ မရှိ ဆုံးဖြတ်ခြင်း (ဆိုလိုသည်မှာ ရှာဖွေစုံစမ်းခြင်း)။

ဤသင်ခန်းစာတွင် တိရစ္ဆာန်အုပ်စုတစ်ခုတွင် ရောဂါဖြစ်ပွားပျံ့နှံ့မှုကြိမ်နှုန်းကို ခန့်မှန်းသည့် စစ်တမ်းများကိုရေးဆွဲနည်းအား သင်လေ့လာရပါမည်။ ပထမဦးစွာ သတ်မှတ်ထားသော တိရစ္ဆာန်အုပ်စုမှ တိရစ္ဆာန်များကိုရွေးချယ်ရာတွင် တိရစ္ဆာန်ဆေးကုပညာရှင်များ လုပ်လေ့ရှိသော အမှားများကို ကျွန်ုပ်တို့စဉ်းစားပါမည်။ ထို့နောက် ဤအမှားများကို ရှောင်ရှားနိုင်သည့် ကွဲပြားသော စစ်တမ်းပုံစံများကို ကျွန်ုပ်တို့ ကြည့်ရှုကြသည်။ တိကျသောရလဒ်များထွက်ပေါ်စေမည့် တိရစ္ဆာန်အုပ်စုထဲမှ ကိုယ်စားပြုနမူနာရယူနည်းကို သင့်အား ပြသပါမည်။ 

အဖွဲ့ခေါင်းဆောင်- Bruce Gummow
 အဖွဲ့၀င်(များ)- Charles Caragel
 နိုင်ငံတွင်းလုပ်ဖော်ကိုင်ဖက်(များ)- Andy Yombo
 သုံးသပ်သူ- Sam Hamilton

စစ်တမ်းကောက်ယူခြင်းသည် စူးစမ်းလေ့လာရန်အတွက် ကျွန်ုပ်တို့အသုံးပြုသည့် အဓိကနည်းလမ်းများထဲမှတစ်ခုဖြစ်သည်။ ကျွန်ုပ်တို့သည် (၁) ပစ်မှတ်ထားသည့်ကောင်ရေတွင် ရောဂါဖြစ်ပွားမှုကို တိုင်းတာရန် သို့မဟုတ် (၂) ရောဂါမရှိကြောင်း သက်သေပြရန် စစ်တမ်းကို ကောက်ယူနိုင်သည်။ ဤကွဲပြားသောရည်ရွယ်ချက် နှစ်ခုမှ တစ်ခုစီအတွက် စစ်တမ်း ရေးဆွဲမှုပုံစံနှင့် ဒေတာလေ့လာဆန်းစစ်မှုသည် များစွာကွဲပြားနိုင်သည်။ ဤသင်ခန်းစာတွင် တိရစ္ဆာန်အုပ်စုတစ်ခု၏ ရောဂါကင်းဝေးမှုကို သရုပ်ပြရန်အတွက် စစ်တမ်းတစ်ခုကို ရေးဆွဲပုံနှင့် အစီရင်ခံပုံတို့ကို သင်လေ့လာမည်ဖြစ်ပါသည်။

ဤသင်ရိုးသည် တိရစ္ဆာန်အုပ်စုတွင် ရောဂါကင်းစင်ကြောင်း ပြသရန် ကျွန်ုပ်တို့ စစ်တမ်းကောက်ယူရသည့် အကြောင်းရင်းနှင့် စစ်တမ်းကောက်ယူပုံတို့ကို သင့်အား သင်ကြားပေးပါမည်။ ထိုသို့သော စစ်တမ်း၏ အရေးကြီးသောအင်္ဂါရပ်များကို ဦးစားပေး၍ အကောင်အထည်ဖော်ပြီးနောက် ရလဒ်များကို လေ့လာဆန်းစစ်ပုံနှင့် စစ်တမ်း၏ တွေ့ရှိချက်များကို မှန်ကန်စွာ အဓိပ္ပာယ်ကောက်ယူပုံအား သင်လေ့လာရပါမည်။ 

အဖွဲ့ခေါင်းဆောင်- Charles Caragel
 အဖွဲ့၀င်(များ)- Bruce Gummow
 နိုင်ငံတွင်းလုပ်ဖော်ကိုင်ဖက်(များ)- Carolyn Benigno
 သုံးသပ်သူ- Evan Sergeant

သက်ဆိုင်သူများပါဝင်သော ရောဂါဖြစ်ပွားမှု စုံစမ်းစစ်ဆေးဖော်ထုတ်ခြင်းတွင် တိရစ္ဆာန်ရောဂါများနှင့် ၎င်းတို့ကို မည်သို့ထိန်းချုပ်ရမည်ကို သိနားလည်မှု တိုးတက်စေရန် ရပ်ရွာများနှင့် ပူးပေါင်းဆောင်ရွက်ခြင်းပါဝင်သည်။ ယင်းသည် ရောဂါဖြစ်ပွားပျံ့နှံ့မှုဆိုင်ရာ သတင်းအချက်အလက်အနည်းငယ်သာရှိပြီး စနစ်တစ်ကျစီစဉ်ထားသည့် စစ်တမ်းတစ်ခုပြုလုပ်ရန် ခက်ခဲသည့် အခြေအနေများနှင့် အထူးသင့်လျော်ပါသည်။

မွေးမြူရေးသမားများ တိကျသောအချက်အလက်များရရှိရန်နှင့် တိရစ္ဆာန်ရောဂါထိန်းချုပ်နိုင်စေရန် ကျွန်ုပ်တို့သည် မွေးမြူရေးသမားများနှင့် ၎င်းတို့၏အသိုင်းအဝိုင်းများနှင့် ထိတွေ့ဆက်ဆံပြီး တိရစ္ဆာန်ရောဂါများအကြောင်း ၎င်းတို့၏ ဒေသန္တရအသိပညာကို ထည့်သွင်းစဉ်းစားရန် လိုအပ်ပါသည်။ ဤသင်ခန်းစာသည် မွေးမြူရေးသမားများနှင့်အတူ ၎င်းတို့၏ဒေသများရှိ တိရစ္ဆာန်ရောဂါအကြောင်း လေ့လာရန် ပူးပေါင်းဆောင်ရွက်နိုင်သည့် နည်းလမ်းများကို လေ့လာပါမည်။

ဤသင်ခန်းစာတွင် ကျွန်ုပ်တို့သည် ပူးပေါင်းပါဝင်မှုနည်းလမ်း၏ သဘောတရားကို မိတ်ဆက်ပေးပါမည်။ ဤနည်းလမ်းကို အသုံးချခြင်းနှင့် တိရစ္ဆာန်ရောဂါစုံစမ်းစစ်ဆေးခြင်းနှင့် စောင့်ကြည့်ခြင်းတွင် ပါဝင်သည့်ကိရိယာအချို့ကို အသေးစိတ်ဆွေးနွေးပါသည်။

အဖွဲ့ခေါင်းဆောင်- Jenny-Ann Toribio
 အဖွဲ့၀င်(များ)- Harish Tiwari၊ Shumaila Arif
 နိုင်ငံတွင်းလုပ်ဖော်ကိုင်ဖက်(များ)- ကျော်နိုင်ဦး
 သုံးသပ်သူ- Marta Hernandez-Jover

ဤ သင်ခန်းစာသည် Microsoft Excel® ကို အသုံးပြု၍ ‌‌‌ဒေတာများကို စိစစ်တွက်ချက်ခြင်းနှင့် အ‌သေးဆန်းစစ်တွက်ချက်မှုများဆောင်ရွက်နိုင်ရန်အတွက် ဒေတာပြင်ဆင်ခြင်းအကြောင်းဖြစ်သည်။ တွက်ချက်မှုများ၊ ဒေတာသန့်ရှင်းရေးနှင့် စီမံခန့်ခွဲမှုအတွက် Microsoft Excel® တွင် အခြေခံကျွမ်းကျင်မှုများကို သင်ယူနိုင်ပြီး အချက်အလက်များဆန်းစစ်ခြင်းအတွက် စနစ်တကျစီစဉ်ထားသည့် ချဉ်းကပ်မှုမျိုး တစ်ခုကို ရေးဆွဲရမည်ဖြစ်သည်။ ယခုသင်ခန်းစာသည် ဤသင်ကြား‌ရေး သင်ရိုးညွှန်းတမ်းရှိ သင်ခန်းစာများစွာအတွက် မရှိမဖြစ် လိုအပ်ချက် တစ်ခုဖြစ်ပါသည်။

သင်သည် ယခင်သင်ခန်းစာများတွင် ရောဂါ‌စူးစမ်းလေ့လာရေးလှုပ်ရှားမှုများ ရေးဆွဲနည်းနှင့် အကောင်အထည်ဖော်နည်းတို့ကို သင်ယူပြီးဖြစ်သည်။ ရောဂါ‌စူးစမ်းလေ့လာခြင်းလှုပ်ရှားမှုများသည် သက်ဆိုင်ရာ တိရစ္ဆာန်အုပ်စု အတွင်း ရောဂါဖြစ်ပွားမှုကို ဖော်ပြသည့် ဒေတာများကောက်ယူပါမည်။ သို့သော်၊ ဒေတာစုဆောင်းခြင်းနှင့် မှတ်တမ်းတင်ခြင်းသည် စောင့်ကြည့်ခြင်းလုပ်ငန်း၏ အဆုံးသတ်မဟုတ်ပါ။ ဆန်းစစ်ခြင်းသည် စောင့်ကြည့်ခြင်းဒေတာကို ဆုံးဖြတ်ချက်ချရာတွင် အသုံးပြုနိုင်သော ရောဂါများဆိုင်ရာအချက်အလက်အဖြစ်သို့ ပြောင်းလဲနိုင်သည်။ ဤသင်ခန်းစာသည် ဆန်းစစ်မှုအတွက် စောင့်ကြည့်ဒေတာကို ပြင်ဆင်ရန် သင်အသုံးပြုနိုင်သည့် အဓိကစွမ်းရည်များကို ဖော်ပြပါမည်။

အဖွဲ့ခေါင်းဆောင်- Alexandra Green
အဖွဲ့၀င်(များ)- Caitlin Pfeiffer
နိုင်ငံတွင်းလုပ်ဖော်ကိုင်ဖက်(များ)- Imas Yuyun
သုံးသပ်သူ- Navneet Dhand

သင်ခန်းစာ C05 သည် ဆန်းစစ်မှုအတွက် ဒေတာပြင်ဆင်နည်းကို သရုပ်ပြခဲ့သည်။ ဤသင်ခန်းစာသည် သင့်အား နောက်တဆင့်ဖြစ်သည့် အချက်အလက်များကို ဖော်ပြစုစည်းတင်ပြခြင်းနှင့် အချက်အလက်များကို မြင်သာအောင်တင်ပြခြင်း တို့ကို သင်ကြားပေးသည်။ တရားဝင်စာရင်းအင်း ဆိုင်ရာ ဆန်းစစ်မှုမပြုလုပ်မီ ဒေတာကို အကျဉ်းချုပ်ပြီး ပုံဖော်ကြည့်ခြင်းသည် အရေးကြီးပါသည်။ ၎င်းသည် ဖြစ်နိုင်ချေ တစ်ခုစီ၏ အဓိကအင်္ဂါရပ်များနှင့် ဖြစ်နိုင်ချေများ တစ်ခုနှင့်တစ်ခု မည်သို့ဆက်စပ်နေနိုင်သည်ကို ပိုမိုကောင်းမွန်စွာ နားလည်နိုင်စေပါသည်။ ဖော်ပြချက်များဖြင့် ဆန်းစစ်ခြင်းကို မကြာခဏဆိုသလို ဒေတာရှင်းလင်းခြင်း လုပ်ချိန်တွင် တစ်ချိန်တည်းတွင် ဆောင်ရွက်သည်၊ အဘယ်ကြောင့်ဆိုသော် ၎င်းသည် ရေးသွင်းထားသည့် တန်ဘိုးများမှားယွင်းခြင်းကို ခွဲခြားသတ်မှတ်နိုင်ပြီး မှားယွင်းနေပြီး ယုံမှားဖွယ်မရှိသော တန်ဖိုးများကို ဖော်ထုတ်နိုင်သောကြောင့် ဖြစ်သည်။

ဖြစ်နိုင်ချေများကြား ဆက်စပ်မှုများကို ပိုမိုကောင်းမွန်စွာ နားလည်သဘောပေါက်ပြီးသည်နှင့် ၎င်းတို့ကို Chi-Square Test ကဲ့သို့သော တရားဝင်စာရင်းအင်းနည်းလမ်းများဖြင့် စမ်းသပ်နိုင်သည်။ ဖော်ပြချက်များဖြင့် ဆန်းစစ်ခြင်းသည် အရေးကြီးသောအဆင့်ဖြစ်ပြီး ဤလုပ်ငန်းစဉ်ကို ကျော်သွားခြင်းက ဆိုးရွားသောအမှားများဆီသို့ ဦးတည်သွားစေနိုင်သည်။

အဖွဲ့ခေါင်းဆောင်- Caitlin Pfeiffer
 အသင်းအဖွဲ့ဝင်(များ)- Alexandra Green
 နိုင်ငံတွင်းလုပ်ဖော်ကိုင်ဖက်(များ)- Mark Stevenson
 သုံးသပ်သူ- Navneet Dhand

ဤ သင်ခန်းစာသည် အချက်အလက်များဆန်းစစ်ခြင်းတွင် သင်၏စွမ်းရည်များကို ပိုမိုတိုးတက်စေရန် ရည်ရွယ်ပါသည်။ ၎င်းသည် အမျိုးအစားခွဲကွဲပြားသည့် ကိန်းရှင် နှစ်ခုကြား ဆက်စပ်မှုကို ဓမ္မဓိဋ္ဌာန်ကျကျ အကဲဖြတ်နိုင်စေမည်ဖြစ်သည်။ လက်တွေ့ ရောဂါထိန်းချုပ်မှုစူးစမ်းလေ့လာရေးနှင့် ထိန်းချုပ်ခြင်း ဗေဒတွင် အသုံးများသော အဆိုပြုချက်အား တရားဝင်စမ်းသပ်မှုတစ်ခုဖြစ်သည့် chi-square စစ်ဆေးမှုကို ပြုလုပ်ခြင်းကို သင်လုပ်ဆောင်မည်ဖြစ်သည်။

ဖော်ပြချက် ဆန်းစစ်ခြင်းသည် သင့်ဒေတာအတွဲရှိ ကိန်းရှင်များကြား ဆက်စပ်မှုအကြောင်း တန်ဖိုးရှိသော အချက်အလက်ကို ပေးပါသည်။ သို့သော် ဤ ဆက်စပ်မှုများသည် နမူနာ ကောက်ယူမှုပုံစံကွဲလွဲမှုများကြောင့် ဖြစ်နိုင်သည်။ ဆက်စပ်မှုများသည် ယုံကြည်လက်ခံနိုင်မှု ရှိ၊ မရှိ ဆုံးဖြတ်ရန်၊ ကျွန်ုပ်တို့သည် နမူနာဒေတာကို အခြေခံ၍ တိရစ္ဆန်အုပ်စု တစ်ခုအကြောင်း ကောက်ချက်ချနိုင်စေမည့် နောက်ထပ် အသေးစိတ်ဆန်းစစ်မှုများ သို့မဟုတ် ကိန်းဂဏန်းဆိုင်ရာ စမ်းသပ်မှုများ ပြုလုပ်ရန် လိုအပ်ပါသည်။

အဖွဲ့ခေါင်းဆောင်- Navneet Dhand
အသင်းအဖွဲ့ဝင်(များ)- Alexandra Green
နိုင်ငံတွင်းလုပ်ဖော်ကိုင်ဖက်(များ)- Widagdo Sri Nugroho
သုံးသပ်သူ- Mark Stevenson

ယနေ့ကမ္ဘာတွင် တိရစ္ဆာန်ရောဂါများသည် တိရစ္ဆာန်နှင့် လူသားတို့၏ ကျန်းမာရေး၊ ထုတ်လုပ်မှု၊ စားနပ်ရိက္ခာဖူလုံရေး၊ လူတို့၏ အသက်မွေးဝမ်းကြောင်းနှင့် ကျန်းမာရေးတို့ကို သိသိသာသာ ခြိမ်းခြောက်လျက်ရှိပါသည်။ ဘေးအန္တရာယ်ဆိုင်ရာ ဆန်းစစ်ခြင်း သည် ဤရောဂါများ ဖြစ်ပွားနိုင်ခြေနှင့် ဖြစ်ပွားနေသော ရောဂါများ၏ နောက်ဆက်တွဲများကို တွက်ချက်နိုင်သော ကိရိယာတစ်ခုဖြစ်သည်။ ၎င်းသည် လယ်ယာနှင့် နိုင်ငံအဆင့် နှစ်ရပ်စလုံးတွင် အံဝင်ခွင်ကျဖြစ်သော ကြိုတင်ကာကွယ်ရေးနှင့် ထိန်းချုပ်မှုဗျူဟာများကို ခွင့်ပြုပေးပြီး အဆင့်အားလုံးတွင် ဘေးအန္တရာယ်စီမံခန့်ခွဲမှုအတွက် ယုတ္တိတန်သောပစ်မှတ်များကို ဖော်ထုတ်နိုင်စေပါသည်။

ဤ သင်ခန်းစာတွင် ကျွန်ုပ်တို့သည် ဘေးအန္တရာယ်ဆိုင်ရာ ဆန်းစစ်ခြင်း ၏ အခြေခံသဘောတရားများကို ပြန်လည်သုံးသပ်ပြီး ဤစွမ်းရည်၏ နောက်ဆက်တွဲ သင်ခန်းစာများတွင် ၎င်းတို့ကို ချဲ့ထွင်ပါမည်။ ကျွန်ုပ်တို့သည် ဘေးအန္တရာယ် နှင့်ဘေးအန္တရာယ် ၏သက်ရောက်မှုများကို နားလည်သဘောပေါက်ခြင်း ၏တန်ဖိုးကို ဖော်ပြပြီး သင်၏အသိဥာဏ်နှင့် စွမ်းရည်များကို တည်ဆောက်ရန် ကူညီပေးပါသည်။ လက်တွေ့နယ်ပယ်တွင် သက်သေပြချက်များ အခြေပြု ဆုံးဖြတ်ချက်ချခြင်းကို ပံ့ပိုးရန်အတွက် အခြေခံသဘောတရားများနှင့် ဘေး အန္တရာယ်ခွဲခြမ်းစိတ်ဖြာမှုအဆင့်များကို သင်လေ့လာနိုင်မည်ဖြစ်ပါသည်။

အသင်းခေါင်းဆောင်- Andres Perez
အဖွဲ့၀င်(များ)- Mary Katherine O’Brien၊ Maria Sol Perez Aguirreburualde၊ Rachel Schambow
နိုင်ငံတွင်းလုပ်ဖော်ကိုင်ဖက်(များ)- Carolyn Benigno
သုံးသပ်သူ- Naomi Cogger

ဘေးအန္တရာယ်ဖြစ်နိုင်မှု အကဲဖြတ်ချက်လုပ်ငန်းစဉ်သည် ဘေးအန္တရာယ်ကိုသတ်မှတ်ရန်၊ ဖြစ်ပေါ်လာနိုင်ခြေများကို ခန့်မှန်းရန်နှင့် ထိုအန္တရာယ်ကိုကာကွယ်ရန် သို့မဟုတ် လျော့ပါးစေရန် အခြားနည်းလမ်းများ၏အကျိုးသက်ရောက်မှုကို ခန့်မှန်းရန် ရည်ရွယ်ပါသည်။ ရောဂါပျံ့နှံ့မှုစူးစမ်းလေ့လာရေးနှင့် ထိန်းချုပ်ခြင်းဗေဒပညာရှင်များသည် ဘေးအန္တရာယ်ဖြစ်နိုင်မှု အကဲဖြတ်ခြင်းအား ဘေးအန္တရာယ်ရှိသော ဆက်စပ်မှု အား လက်ခံနိုင်မနိုင် သို့မဟုတ် ဘေးအန္တရာယ်ကို‌ လျှော့ချရန် အဆင့်များ လိုအပ်မအပ်ကို ဆုံးဖြတ်ရန် အသုံးပြုပါသည်။ ဘေးအန္တရာယ်များကိုဖော်ပြရန် စကားလုံးများ သို့မဟုတ် ကိန်းဂဏန်းများကို အသုံးပြုနိုင်သည်။ စကားလုံးများကို အသုံးပြုသောအခါ အကဲဖြတ်မှုကို အရည်အသွေးအဖြစ် ဖော်ပြပြီး ကိန်းဂဏန်းများကို အသုံးပြုသည့်အခါ အကဲဖြတ်မှုကို အရေအတွက်ဟု ဆိုပါသည်။

အရည်အသွေးဆိုင်ရာ ဘေးအန္တရာယ် အကဲဖြတ်ခြင်းများသည် အကဲဖြတ်ခြင်းမှန်သမျှအတွက် အရေးကြီးသော အစမှတ်တစ်ခုဖြစ်သည်။ အရေအတွက် အကဲဖြတ်မှုပြီးမြောက်ရန် လိုအပ်ပြီး လုံလောက်သော ဒေတာရှိမရှိ ဆုံးဖြတ်ရန် ၎င်းတို့က ကျွန်ုပ်တို့ကို ကူညီပေးပါသည်။ ဤသင်ခန်းစာတွင် ကျွန်ုပ်တို့သည် အရည်အသွေးဆိုင်ရာ ဘေးအန္တရာယ်အကဲဖြတ်ခြင်းကို ပိုမိုအသေးစိတ်ဖော်ပြပါမည်။

အသင်းခေါင်းဆောင်- Andres Perez
အဖွဲ့၀င်(များ)- Mary K O’Brien၊ Rachel Schambow
နိုင်ငံတွင်းလုပ်ဖော်ကိုင်ဖက်(များ)- Pawin Padungtod
သုံးသပ်သူ- Naomi Cogger

လူနှင့်တိရစ္ဆာန်ကျန်းမာရေးကိုကာကွယ်ရန်၊ ထုတ်လုပ်မှုဆုံးရှုံးမှုကိုကာကွယ်ရန်နှင့် ထုတ်လုပ်မှုတိုးတက်စေရန်အတွက်၊ တိရစ္ဆာန်ဆေးကုဆရာဝန်များသည် ဖြစ်လာနိုင်ခြေရှိသော ဘေးအန္တရာယ်အရှိဆုံးသူများကို အန္တရာယ်ဖြစ်နိုင်ချေ(risk)အကြောင်း ဆက်သွယ်ပြောဆိုရန် လိုအပ်ပါသည်။ ဘေးအန္တရာယ်များကို တားဆီးရန် သို့မဟုတ် လျှော့ချနိုင်သည့် အဖွဲ့များနှင့်လည်း ဆက်သွယ်ရန် လိုအပ်နိုင်သည်။

ဘေးအန္တရာယ်ဖြစ်နိုင်ချေကို ဆက်သွယ်ပြောဆိုမှု (Risk communication)သည် ဘေးအန္တရာယ်ဖြစ်နိုင်မှု အကဲဖြတ်ချက်(Risk Analysis)တိုင်းတွင် အရေးကြီးသော အစိတ်အပိုင်းတစ်ခုဖြစ်သည်။ ၎င်းကို ပုံစံအမျိုးမျိုးဖြင့် ပြုလုပ်နိုင်ပါသည်။ ဥပမာအားဖြင့်၊ အာဖရိက ဝက် အပြင်းဖျားရောဂါကို ကာကွယ်ရန် လေဆိပ်များရှိ ပိုစတာများတွင် ဝက်သားထုတ်ကုန်များ မသယ်ဆောင်လာရန် လူများကို သတိပေးထားသည်။ ဤသင်ခန်းစာတွင် သာမာန်လူများက ဘေးအန္တရာယ်ကို မည်ကဲ့သို့ တွေးခေါ်ပုံနှင့် အန္တရာယ်ယူဆချက်များသည် အန္တရာယ်ဖြစ်နိုင်မှုကို ဆက်သွယ်ပြောဆိုသည့်ပုံစံများကို မည်ကဲ့သို့ အကျိုးသက်ရောက်သည်တို့ ပါဝင်ပါသည်။ လူများကို ဘေးအန္တရာယ်ဖြစ်နိုင်ချေ(risk)အကြောင်း ပြောပြခြင်းသည် ဘေးအန္တရာယ်ဖြစ်နိုင်မှုအကဲဖြတ်ချက်ပြုလုပ်ခြင်းနှင့် ကွဲပြားသည်။ ဘေးအန္တရာယ်ဖြစ်နိုင်ချေ(risk)နှင့်ပတ်သက်၍ သူတို့၏ ခံစားချက်များ သို့မဟုတ် အမြင်များကို အာရုံစိုက်ရန် လိုအပ်သည်။ ရောဂါဖြစ်ပွားနေစဉ်အတွင်း မည်သို့ဆက်သွယ်ရမည်ကိုလည်း ဆွေးနွေးပါမည်။

အဖွဲ့ခေါင်းဆောင်- Naomi Cogger
အသင်းသား(များ)- Andres Perez
နိုင်ငံတွင်းလုပ်ဖော်ကိုင်ဖက်(များ)- Pawin Padungtod
သုံးသပ်သူ- Evan Sergeant

တိရစ္ဆာန်ရောဂါများသည် ငွေကြေးနှင့် စီးပွားရေးဆိုင်ရာ သက်ရောက်မှုများစွာကို ဖြစ်ပေါ်စေပါသည်။ ၎င်းတို့သည် မွေးမြူရေးထုတ်လုပ်မှုကို ဆုံးရှုံးစေပြီး ကုန်သွယ်မှုကို သိသိသာသာ အနှောင့်အယှက်ဖြစ်စေနိုင်သည်။ ရောဂါတစ်ခု၏ဘဏ္ဍာရေး သို့မဟုတ် စီးပွားရေးအကျိုးသက်ရောက်မှုကို တိုင်းတာခြင်းသည် အစုလိုက်အပြုံလိုက် သို့မဟုတ် နယ်နိမိတ်ဖြတ်ကျော်တိရစ္ဆာန်ရောဂါ ဖြစ်ပွားခြင်းရှိမရှိ၊ လူ့အဖွဲ့အစည်းအတွင်း မတူညီသောအုပ်စုများကို မည်ကဲ့သို့အကျိုးသက်ရောက်သည်ကို နားလည်ရန် ကျွန်ုပ်တို့အား ကူညီပေးပါသည်။

တိရစ္ဆာန်ရောဂါထိန်းချုပ်ရေးအစီအစဉ်များအတွက် အကြံပြုချက်များကို ပံ့ပိုးပေးသည့် ကုန်ကျစရိတ်-အကျိုးခံစားခွင့် ဆန်းစစ်ခြင်းများအတွက် စီးပွားရေးဆိုင်ရာ အကျိုးသက်ရောက်မှုအကဲဖြတ်မှုများသည် အခြေခံကို တည်ဆောင်ပေးပြီး လယ်သမားများအား အစိုးရတွင် သို့မဟုတ် အပြည်ပြည်ဆိုင်ရာရောဂါထိန်းချုပ်ရေးအစီအစဉ်များတွင် ပါဝင်ရန် မက်လုံးများပေးပါသည်။ ဤသင်ခန်းစာသည် သင့်အား အခြေခံစီးပွားရေး သဘောတရားများနှင့် အခြေခံမူများနှင့် မိတ်ဆက်ပေးထားပြီး မွေးမြူရေးသမားများကို ပံ့ပိုးပေးသည့် တိရစ္ဆာန်ဆေးကုသရေးဝန်ဆောင်မှုများအပြင် အစိုးရတိရစ္ဆာန်ကျန်းမာရေးမူဝါဒများ ဖော်ဆောင်ရန်အတွက် သက်ဆိုင်သည့် စီးပွားရေးချဉ်းကပ်မှုများကို အကြမ်းဖျင်းဖော်ပြပါသည်။

အဖွဲ့ခေါင်းဆောင်- Mieghan Bruce
အဖွဲ့၀င်- တုတုဇော်ဝင်း
နိုင်ငံတွင်းလုပ်ဖော်ကိုင်ဖက်(များ)- Acacio Cardoso Amaral
သုံးသပ်သူ- Navneed Dhand

တိရစ္ဆာန်ရောဂါအတွက် ကုသရေးနည်းလမ်းတစ်ခုသည် ကူးစက်မှုရှိသည့်သည့် ကောင်ရေထဲတွင် ရောဂါကာကွယ်ခြင်းနှင့် ထိန်းချုပ်ခြင်းကို အဓိကထားသည်။ ၎င်းသည် တိရစ္ဆာန်ပိုင်ရှင်များနှင့် လူ့အဖွဲ့အစည်းတို့ကို ရောဂါများ၏ သက်ရောက်မှုများနှင့် ၎င်းတို့ကို လျော့ပါးစေရန် ဆောင်ရွက်ချက်များက မည်ကဲ့သို့ အကျိုးသက်ရောက်သည်ကို အကဲဖြတ်ခြင်းဖြင့် ဖြည့်စွက်ထားသည်။

စီးပွားရေးမူများနှင့် ကိရိယာများကို အသုံးပြု၍ တိရစ္ဆာန်ဆေးကုသရေးဝန်ဆောင်မှုများသည် သီးခြားထိန်းချုပ်မှု သို့မဟုတ် ကာကွယ်ခြင်းဆိုင်ရာ ရင်းနှီးမြှုပ်နှံမှု တစ်ခုသည် အလုံးစုံအကျိုးဖြစ်ထွန်းနိုင်ခြေရှိမရှိ အကဲဖြတ်ရာတွင် သက်ဆိုင်သူများအား ပံ့ပိုးပေးနိုင်ပါသည်။ မည်သည့်ရင်းနှီးမြုပ်နှံမှုများ လုပ်သင့်သည်ကိုလည်း အကဲဖြတ်ပေးပါသည်။ လယ်သမားများ၊ မွေးမြူရေးကဏ္ဍနှင့် လူ့အဖွဲ့အစည်းများအတွက် ရောဂါထိန်းချုပ်ရေးအစီအစဉ်တွင် ရင်းနှီးမြုပ်နှံမှု၏ အလားအလာတန်ဖိုးကို ကျွန်ုပ်တို့ စုံစမ်းစစ်ဆေးရန် လိုအပ်ပါသည်။ ဤသင်ခန်းစာတွင် သင်သည် brucellosis ကို ဥပမာအဖြစ် အသုံးပြုခြင်းဖြင့် ရောဂါထိန်းချုပ်ခြင်း၏ဘဏ္ဍာရေး သို့မဟုတ် စီးပွားရေးတန်ဖိုးကို စုံစမ်းစစ်ဆေးရန် နည်းလမ်းနှစ်ခုကို အသုံးပြုမည်ဖြစ်သည်။

အဖွဲ့ခေါင်းဆောင်- Mieghan Bruce
အဖွဲ့၀င်- တုတုဇော်ဝင်း
နိုင်ငံတွင်းလုပ်ဖော်ကိုင်ဖက်(များ)- Acacio Cardoso Amaral
သုံးသပ်သူ- Navneet Dhand

One Health သည် ကျန်းမာရေးဆိုင်ရာ ပြဿနာတစ်ရပ်အပေါ် လူသား၊ တိရစ္ဆာန်နှင့် သဘာဝပတ်ဝန်းကျင်ဆိုင်ရာ ရှုထောင့်အသီးသီးမှ အမြင်များကို ပေါင်းစပ်လျက် နယ်ပယ်နှစ်ခုနှင့်အထက် ဆက်စပ်လုပ်ဆောင်သည့် ချဉ်းကပ်နည်းလမ်းဖြစ်ပါသည်။ ဤသင်ခန်းစာသည် ဖြစ်စဉ်လေ့လာမှုများကို အသုံးပြုခြင်းဖြင့် One Health ၏ သဘောတရားများ၊ လုပ်ဆောင်သူများနှင့် အခေါ်အဝေါ်များကို မိတ်ဆက်ပေးကာ ဖြစ်စဉ်လေ့လာမှုများကို အသုံးပြုခြင်းဖြင့် ကဏ္ဍများအကြား ပူးပေါင်းဆောင်ရွက်ခြင်းနှင့် အပြန်အလှန်တုံ့ပြန်မှုအပေါ် အဓိကထားပါသည်။

ဤသင်ခန်းစာသည် ကျန်းမာရေးကဏ္ဍများအကြား ထိရောက်သောပူးပေါင်းဆောင်ရွက်မှုတစ်ခုမှ လူသား-တိရစ္ဆာန်-ပတ်ဝန်းကျင် ဆက်သွယ်မှုများတွင် အစီအစဉ်များနှင့် စုံစမ်းစစ်ဆေးမှုများကို အကျိုးရှိနိုင်ပုံကို သင့်အား ပြသရန် လက်တွေ့ဘဝနမူနာများကို အသုံးပြုထားသည်။ One Health နည်းလမ်းသည် တိရစ္ဆာန်မှတစ်ဆင့် လူသို့ ကူးစက်တတ်သော ရောဂါများသာမက ကျန်းမာရေး၊ လူမှုရေး၊ စီးပွားရေး သို့မဟုတ် ပတ်ဝန်းကျင်ဆိုင်ရာ ရလဒ်များစွာကို အထောက်အကူပြုနိုင်ကြောင်းလည်း သရုပ်ပြသည်။ နောက်ဆုံးအနေဖြင့် ၎င်းသည် ထိရောက်သော One Health နည်းလမ်းတစ်ခုအတွက် သက်ဆိုင်ရာ မိတ်ဖက်များနှင့် ပါဝင်ပတ်သက်သည့် အခန်းကဏ္ဍများနှင့် ကန့်သတ်ချက်များကို ခွဲခြားသတ်မှတ်ခြင်းမှတစ်ဆင့် သင့်အား လမ်းညွှန်ပါသည်။

အဖွဲ့ခေါင်းဆောင်- Emilie Vallee
အဖွဲ့၀င်(များ)- Bruce Gummow
နိုင်ငံတွင်းလုပ်ဖော်ကိုင်ဖက်(များ)- တုတုဇော်ဝင်း
သုံးသပ်သူ- Cord Heuer

လွန်ခဲ့သောရာစုနှစ်များအတွင်း ပေါ်ပေါက်လာသော ကူးစက်ရောဂါများ နှင့် ပြန်လည်ပေါ်ပေါက်လာသော ကူးစက်ရောဂါများ (EIDs) များ တိုးပွားလာခဲ့ပါသည်။ ၎င်းတို့သည် များသောအားဖြင့် တိရစ္ဆာန်မှလူသို့ ကူးစက်သည့်ရောဂါများဖြစ်ကြပြီး အကျိုးဆက်အနေဖြင့် လူကျန်းမာရေး နှင့် တိရစ္ဆာန်ကျန်းမာရေး နှစ်ခုစလုံးအပေါ် သိသာထင်ရှားသော သက်ရောက်မှုများ ရှိနိုင်ပါသည်။ တိရစ္ဆာန် ရောဂါပျံ့နှံ့မှုစူးစမ်းလေ့လာရေးနှင့် ထိန်းချုပ်ခြင်းဆိုင်ရာပညာရှင်များသည် EID များကို ကာကွယ်ခြင်း၊ ရှာဖွေခြင်း၊ တုံ့ပြန်ခြင်းနှင့် ထိန်းချုပ်ခြင်းတို့တွင် အရေးကြီးသောအခန်းကဏ္ဍမှ ပါဝင်ပါသည်။ One Health နည်းလမ်းနှင့် ဇီဝလုံခြုံရေးမူများကို အသုံးချခြင်းအပြင် စောင့်ကြည့်ရေးစနစ်များဆိုင်ရာ အသိပညာ၊ရောဂါပျံ့နှံ့မှုစူးစမ်းလေ့လာရေးနှင့် ထိန်းချုပ်ခြင်းဆိုင်ရာ အချက်အလက် ဆန်းစစ်ခြင်း နှင့် ဆက်သွယ်ရေးကျွမ်းကျင်မှုတို့ လိုအပ်ပါသည်။

ဤသင်ခန်းစာသည် ပေါ်ပေါက်လာခြင်းနှင့် ပြန်လည်ပေါ်ပေါက်လာသော ကူးစက်ရောဂါများအကြောင်းဖြစ်သည်။ ၎င်းတို့၏ ဘုံအင်္ဂါရပ်များနှင့် ပေါ်ပေါက်လာပုံတို့ကို လေ့လာရန် ဤသင်ခန်းစာရှိ EIDs နမူနာများကို အသုံးပြုပါမည်။ EIDs များအတွက် သီးသန့်ခွဲခြားထားသော ရှာဖွေမှုနှင့် တုံ့ပြန်မှုအခြေခံမူများအကြောင်းလည်း လေ့လာနိုင်မည်ဖြစ်ပါသည်။

အဖွဲ့ခေါင်းဆောင်- Viki Brookes
အဖွဲ့၀င်(များ)- Jane Heller
နိုင်ငံတွင်းလုပ်ဖော်ကိုင်ဖက်(များ)- Andy Yombo
သုံးသပ်သူ- Cord Heuer

ဤသင်ခန်းစာသည် တိရစ္ဆာန်မှလူသို့ကူးစက်ရောဂါများကို ကာကွယ်ခြင်း အကြောင်းဖြစ်သည်။ ကမ္ဘာ့ကျန်းမာရေးအဖွဲ့ (WHO) က တိရစ္ဆာန်မှလူသို့ကူးစက်ရောဂါများကို ‘ကျောရိုးရှိတိရစ္ဆာန်များမှ လူသို့ သဘာဝအတိုင်း ကူးစက်နိုင်သော ရောဂါ သို့မဟုတ် ရောဂါပိုးများ‘ ဟု သတ်မှတ်သည်။ တိရစ္ဆာန်မှလူသို့ကူးစက်ရောဂါများကို ကာကွယ်ရန်၊ ကျွန်ုပ်တို့သည် ရောဂါပိုးများ၊ ရောဂါလက္ခဏာများနှင့် ကူးစက်ခြင်းဆိုင်ရာ ယေဘုယျနှင့် တိကျသောအသိပညာ လိုအပ်ပါသည်။ လူနှင့် တိရစ္ဆာန် ကျန်းမာရေးဆိုင်ရာ ပတ်ဝန်းကျင်များတွင် ‌ဆောင်ရွက်ချက်များ ပူးပေါင်းလုပ်ဆောင်ရန်အတွက် အလားအလာရှိသော ထိန်းချုပ်မှုအစီအမံများနှင့် စွမ်းဆောင်နိုင်စွမ်းတို့အား အကျွမ်းတဝင်ဖြစ်နေရန် လိုအပ်ပါသည်။ ဤသင်ခန်းစာသည် ဤကဏ္ဍများအားလုံးကို ဖြေရှင်းပေးမည်ဖြစ်ပြီး လက်တွေ့ဘဝဖြစ်စဉ်များတွင် အသိပညာကို အသုံးချနိုင်မည့် ဥပမာများကို အသုံးပြုပါမည်။

သင်ခန်းစာပြီးဆုံးပါက တိရစ္ဆာန်မှလူသို့ကူးစက်ရောဂါများ ကူးစက်ပုံနှင့် ပျံ့နှံ့ရသည့် အကြောင်းရင်းတို့ကို ဖော်ပြနိုင်ပါမည်။ တိရစ္ဆာန်မှလူသို့ကူးစက်ရောဂါများ ဖြစ်ပွားမှုကို ကာကွယ်၊ လျှော့ချရန် ထိန်းချုပ်အစီအမံများ လုပ်ဆောင်နိုင်မည်ဖြစ်သည်။

အဖွဲ့ခေါင်းဆောင်- Jane Heller
အဖွဲ့၀င်(များ)- Art Subharat၊ Shumaila Arif
နိုင်ငံတွင်းလုပ်ဖော်ကိုင်ဖက်(များ)- Vannaphone Phouthana
သုံးသပ်သူ- Marta Hernandez-Jover

ဇီဝလုံခြုံရေးသည် နိုင်ငံ၊ ဒေသ သို့မဟုတ် ပိုင်ဆိုင်သောပစ္စည်းများကို တိရစ္ဆာန်ရောဂါများ၊ ရောဂါပိုးများ သို့မဟုတ် ပိုးမွှားကူးစက်မှုများမှ ကာကွယ်ရန် ရည်ရွယ်သော ဆောင်ရွက်စီမံချက်တစ်ခုဖြစ်သည်။ လယ်ယာ၊ ဒေသ သို့မဟုတ် နိုင်ငံကို ရောဂါကင်းစင်အောင် ထိန်းသိမ်းရန်အတွက် ဇီဝလုံခြုံရေးသည် အရေးကြီးပါသည်။ တိရစ္ဆာန်ဆေးကုဆရာဝန်များ ၎င်းတို့ကိုယ်တိုင် တိရစ္ဆာန်မှလူသို့ကူးစက်ရောဂါများမှ ကာကွယ်ရန်လည်း ဇီဝလုံခြုံရေးသည် အရေးကြီးပါသည်။

ဤသင်ခန်းစာသည် ရောဂါဖြစ်ပွားမှုစုံစမ်းစစ်ဆေးရေးအခြေအနေတွင် တိရစ္ဆာန်ဆေးကုဆရာဝန်များအတွက် သက်ဆိုင်ရာဇီဝလုံခြုံရေးမူများကို ခြုံငုံသုံးသပ်ပေးပါသည်။ တိရစ္ဆာန်ဆေးကုဆရာဝန်များနှင့် တိရစ္ဆာန်ဆေးကုအကူများ ဆောင်ရွက်ပေးသည့် ကွင်းဆင်းလှုပ်ရှားမှုများအတွက် ဤအခြေခံမူများကို မည်ကဲ့သို့ အကောင်အထည်ဖော်ရမည်ကို ပြသထားသည်။ ဤသင်ခန်းစာသည် အရေးပေါ်ရောဂါအခြေအနေတစ်ခုကိုတုံ့ပြန်သည့်လုပ်ငန်းမျိုး အပါအဝင် ရောဂါစုံစမ်းစစ်ဆေးမှုများတွင် လက်တွေ့လုပ်ဆောင်မှုများအတွက် ဇီဝလုံခြုံရေးပရိုတိုကောတစ်ခု ရေးဆွဲခြင်းအတွက် သင့်အား အသိပညာနှင့်ကျွမ်းကျင်မှုများကို ပေးမည်ဖြစ်ပါသည်။ ၎င်းသည် ဇီဝလုံခြုံရေး အကောင်အထည်ဖော်မှုအတွက် အကောင်းဆုံးအလေ့အကျင့်ဆိုင်ရာ အကြံဉာဏ်ကိုလည်း ရနိုင်စေပါမည်။

အဖွဲ့ခေါင်းဆောင်- Marta Hernandez-Jover
အဖွဲ့သား(များ)- Victoria Brookes
နိုင်ငံတွင်းလုပ်ဖော်ကိုင်ဖက်(များ)- Andy Yombo
သုံးသပ်သူ- Jane Heller

SARS-CoV-2 သည် coronaviridae မျိုးရင်းမှ ပေါ်ထွက်လာသော တိရစ္ဆာန်ဗိုင်းရပ်စ်ဖြစ်ပါသည်။ ၎င်းသည် ကမ္ဘာတစ်ဝှမ်းတွင် ယခင်ကဖြစ်ပွားခဲ့သော ‌ကပ်ရောဂါများတွင် လူများ၏ကျန်းမာရေးကို ထိခိုက်စေခဲ့သည့် RNA ဗိုင်းရပ်စ် အုပ်စုတစ်ခုဖြစ်သည်။ SARS-CoV-2 ဗိုင်းရပ်စ်သည် COVID-19 ဟုခေါ်သော ရောဂါတစ်မျိုးဖြစ်ပြီး ကပ်ရောဂါဖြစ်လာခဲ့သည်။

ဤသင်ခန်းစာတွင် ကျွန်ုပ်တို့သည် တိရစ္ဆာန်နှင့်လူများထိတွေ့ခြင်း လမ်းကြောင်းများကို အလေးအနက်ပြုသည့် ရောဂါပိုးအသစ်တစ်ခု ပေါ်ပေါက်လာပုံကို ဖော်ပြထားပါသည်။ ဖော်ပြထားသော လေ့ကျင့်ခန်းများသည် လူနှင့် တိရစ္ဆာန်အားလုံးတို့၏ ကျန်းမာရေးကို စီမံခန့်ခွဲနိုင်သည့် နည်းလမ်းများကို နှိုင်းယှဉ်ရန် ကူညီပေးပါလိမ့်မည်။ ဤသင်ခန်းစာသည် အနာဂါတ်တွင် လူသားနှင့် တိရစ္ဆာန် အုပ်စုများတွင် ဖြစ်ပွားလာနိုင်သည့် ရောဂါများအတွက် နိုင်ငံတကာ COVID-19 ဆိုင်ရာ တုံ့ပြန်မှုမှ ရရှိခဲ့သော သင်ခန်းစာများကို အသုံးပြု၍ အသုံးချနိုင်ပုံကို ပြသပါမည်။ ၎င်းသည် COVID-19 နှင့်ပတ်သက်၍ တိတိကျကျ ပစ်မှတ်ထားကာ ဤသင်တန်းတွင် ယခင်ကပြောခဲ့သော သဘောတရားများကို အားဖြည့်ပေးပါသည်။

အဖွဲ့ခေါင်းဆောင်- Anne-Lise Chaber
အဖွဲ့သား(များ)- Mark Stevenson
နိုင်ငံတွင်းလုပ်ဖော်ကိုင်ဖက်(များ)- Khrisdiana Putri
သုံးသပ်သူ- Marta Hernandez-Jover

လူတွင် leptospirosis ရောဂါဖြစ်ပွားသောအခါ လူနှင့် တိရစ္ဆာန်ကျန်းမာရေးကဏ္ဍများအတွက် ဖြစ်နိုင်ချေရှိသော အရင်းမြစ်များနှင့် ကူးစက်နိုင်သောလမ်းကြောင်းများကို ရှာဖွေဖော်ထုတ်ရန်အတွက် ပူးပေါင်းဆောင်ရွက်ရန် အရေးကြီးပါသည်။ ဤဖြစ်ရပ်မှန်လေ့လာမှုသည် သင့်အား လက်တွေ့ဖြစ်ရပ်မှန်ဥပမာတစ်ခုစီသို့ ခေါ်ဆောင်သွားမည်ဖြစ်သည်။

အစိုးရများ၊ နိုင်ငံတကာအေဂျင်စီများ၊ တိရစ္ဆာန်ဆေးကုဆရာဝန်များ၊ တိရစ္ဆာန်ဆေးကုအကူများနှင့် သုတေသီများသည် ဖီဂျီတွင် ပေါ်ပေါက်လာသော Leptospira serovar ကြောင့် ရောဂါဖြစ်ပွားနိုင်ချေရှိသော တိရစ္ဆာန်အရင်းမြစ်ကို ရှာဖွေဖော်ထုတ်ရန် ပူးပေါင်းခဲ့ကြသည်။ ဤရောဂါဖြစ်ပွားမှုကြောင့် လူပေါင်း ၅၇၆ ဦး သေဆုံးခဲ့ရပြီး ၎င်းတို့အနက် ၇ ရာခိုင်နှုန်းမှာ ဆိုင်ကလုန်းမုန်တိုင်း နှစ်ကြိမ်နှင့် ရေကြီးရေလျှံမှုများကြောင့် သေဆုံးခဲ့ရသည်။

ဤလေ့လာမှုတွင် ရေလွှမ်းမိုးမှုများသည် ကူးစက်ရောဂါများ ဖြစ်ပွားမှုနှင့် မကြာခဏ ဆက်စပ်မှုရှိကြောင်း လေ့လာသိရှိရမည်ဖြစ်ပါသည်။ သင်သည် leptospirosis အကြောင်း အချက်အလက်များကို စုဆောင်းရမည်ဖြစ်ပြီး၊ ကွင်းဆင်းအဖွဲ့တစ်ဖွဲ့ ဖွဲ့စည်းကာ၊ လေ့လာမှုတစ်ခုအား ရေးဆွဲပြီး ကြားပိုင်းလုပ်ဆောင်မှုများကို ဖော်ထုတ်ရန်အတွက် တွေ့ရှိချက်များကို အဓိပ္ပာယ်ပြန်ဆိုရပါမည်။

အဖွဲ့ခေါင်းဆောင်- Emilie Vallee
အဖွဲ့၀င်(များ)- Cord Heuer
နိုင်ငံတွင်းလုပ်ဖော်ကိုင်ဖက်(များ)- Imas Yuyun
သုံးသပ်သူ- Joerg Henning

ခွေးရူးပြန်ရောဂါကဲ့သို့သော တိရစ္ဆာန်မှလူသို့ကူးစက်တတ်သောရောဂါများကို တိုက်ဖျက်ရန် One Health နည်းလမ်းသည် လိုအပ်ပြီး ယင်းသည် စောင့်ကြည့်ခြင်း၊ ရောဂါဖြစ်ပွားမှု စုံစမ်းစစ်ဆေးခြင်း၊ ထိန်းချုပ်ခြင်းနှင့် ကြိုတင်ကာကွယ်ခြင်းအစီအမံများပေါ်တွင် မူတည်သည်။ ယင်းတို့သည် လူစွမ်းအားနှင့်ဘဏ္ဍာရေးအရင်းအမြစ်များ၏ တောင့်တင်းခိုင်မာပြီး ရေရှည်တည်တံ့နိုင်သော မပျက်မကွက်ဆောင်ရွက်ရမည့်ကိစ္စ တစ်ခု အဖြစ် လိုအပ်ပါသည်။ အောင်မြင်မှုသည် ခွေးရူးပြန်ရောဂါ တိုက်ဖျက်ရေး မဏ္ဍိုင်ငါးရပ် (STOP-R) ဖြစ်သည့် လူမှု-ယဉ်ကျေးမှု၊ နည်းပညာ၊ အဖွဲ့အစည်း၊ နိုင်ငံရေးနှင့် အရင်းအမြစ်ကို အခြေပြုသည့် အကောင်အထည်ဖော်ခြင်းပေါ်တွင် မူတည်ပါသည်။ အကောင်းဆုံးမှာ ရင်းနှီးမြှုပ်နှံမှုသည် ခွေးရူးပြန်ရောဂါဖြစ်ပွားမှုလမ်းကြောင်းများကို စီမံခန့်ခွဲခြင်းအတွက် ဦးစားပေးမှုများကို စနစ်တကျ ပြန်လည်သုံးသပ်ခြင်းဖြင့် စတင်သင့်ပါသည်။ ရောဂါပျံ့နှံ့မှုစူးစမ်းလေ့လာရေးနှင့် ထိန်းချုပ်ခြင်းဆိုင်ရာ စုံစမ်းစစ်ဆေးမှု များသည် အရင်းအမြစ်များကို ချိတ်ဆက်ရန်၊ လက်ခံကောင်များကိုဖော်ထုတ်ရန် နှင့် လူတို့အားနာမကျန်းဖြစ်စေသည့် ကြားခံအင်းစက်ပိုးမွားများကို ဖော်ထုတ်ရန် အသုံးပြုသည်။

သင်ခန်းစာက သင့်အား ရရှိနိုင်သောအချက်အလက်များအပေါ်အခြေခံ၍ ခွေးရူးပြန်ရောဂါအဆင့်သတ်မှတ်ခြင်းအတွက် နမူနာတစ်ခုကို တင်ပြပေးပါသည်။ ၎င်းသည် ပြည်သူ့ကျန်းမာရေး အာဏာပိုင်များမှ သင့်လျော်သော ခွေးရူးပြန်ရောဂါ ထိန်းချုပ်ရေးဆိုင်ရာ ဦးစားပေးများကို လုပ်ဆောင်ရန်၊ ထိရောက်မှု မြှင့်တင်ရန်နှင့် ခွေးရူးပြန်ရောဂါ စောင့်ကြည့်ခြင်းတို့အား အားကောင်းစေပါသည်။

အဖွဲ့ခေါင်းဆောင်- Art Subharat
အဖွဲ့၀င်(များ)- Emilie Vallee
နိုင်ငံတွင်းလုပ်ဖော်ကိုင်ဖက်(များ)- Sothyra Tum
သုံးသပ်သူ- Victoria Brookes

ဤသင်ခန်းစာသည် ခေါင်းဆောင်မှုမိတ်ဆက်ခြင်းနှင့် ၎င်း၏အဓိပ္ပါယ်ဖွင့်ဆိုချက်များဖြစ်သည်။ ၎င်းသည် သင့်ဘဝ၏နယ်ပယ်အားလုံးတွင် ခေါင်းဆောင်မှုပါဝင်နိုင်သည့် အရေးကြီးသောအခန်းကဏ္ဍနှင့် ပတ်သက်၍ အသိပညာတိုးပွားလာစေမည်ဖြစ်သည်။ ၎င်းသည် တိုက်ရိုက် လုပ်ပိုင်ခွင့်ရှိသည့်အာဏာပိုင်၊ အခွင့်အာဏာနှင့် ထိန်းချုပ်မှု အပေါ် အဓိကထားခြင်းမှ အချိန်ကြာလာသည်နှင့်အမျှ ခေါင်းဆောင်မှုအခန်းကဏ္ဍ မည်သို့ပြောင်းလဲသွားကြောင်းကိုလည်း သင့်အား နားလည်စေရန် ထောက်ကူပေးပါသည်။

ဤသင်ခန်းစာသည် စီမံခန့်ခွဲမှုနှင့် ခေါင်းဆောင်မှုကြား ကွာခြားချက်ကို နားလည်ရန် ကူညီပေးသည်။  မန်နေဂျာတစ်ဦး သို့မဟုတ် ခေါင်းဆောင်တစ်ဦး သို့မဟုတ် ဤအခန်းကဏ္ဍနှစ်ခုစလုံးတွင် အဖွဲ့အစည်းတစ်ခု၏ ထိရောက်မှု၌ သင်မည်ကဲ့သို့ အကောင်းဆုံးပါဝင်ကူညီနိုင်ပုံကို စဉ်းစားနိုင်ရန် ကူညီပေးပါမည်။ ဤသင်ခန်းစာသည် အဖွဲ့အစည်းတစ်ခုတွင် မျှဝေထားသောအမြင်၏ အရေးပါမှုများကိုလည်း မီးမောင်းထိုးပြပါသည်။ နောက်ဆုံးအနေဖြင့် သင့်ခေါင်းဆောင်မှုစွမ်းရည်ကို မြှင့်တင်ရန်လက်တွေ့ကျသည့်နည်းလမ်းများကို ပေးစွမ်းပါသည်။

အဖွဲ့ခေါင်းဆောင်- Karen Rodrigues
အသင်းသား(များ)- Andres Perez
နိုင်ငံတွင်းလုပ်ဖော်ကိုင်ဖက်(များ)- Widagdo Sri Nugroho
သုံးသပ်သူ- Jenny-Ann Toribio

ဤသင်ခန်းစာသည် ထက်မြက်သော ခေါင်းဆောင်တစ်ဦးဖြစ်လာရန် အဓိကသော့ချက်ဖြစ်သော မိမိကိုယ်မိမိ သိရှိခြင်း၏ အရေးပါမှုကို ဖော်ပြပေးပါသည်။ ခေါင်းဆောင်တစ်ဦးသည် လုံလောက်သော ကိုယ်ပိုင်အသိဉာဏ်မရှိပါက ၎င်းတို့သည် အခြားသူများကို ကောင်းစွာနားလည်နိုင်မည်မဟုတ်ဘဲ ထိရောက်သောခေါင်းဆောင်မှုပြသနိုင်မှုစွမ်းရည်ကို အဟန့်အတားဖြစ်စေနိုင်သည်။ အတော်ဆုံးခေါင်းဆောင်များမှာ ဦးဆောင်နေချိန်တွင် ၎င်းတို့ကိုယ်တွင်း၌ ဘာဖြစ်နေသည်နှင့် အခြားသူများ ဖြစ်ပျက်နေသည့်အရာများကို ‌ကောင်းကောင်းကြီးသိရှိကြကြောင်း ခိုင်လုံသောအထောက်အထားများရှိပါသည်။ သူတို့သည် မိမိကိုယ်ကို ကောင်းစွာသိရှိကြပြီးပြီး လူမှုဆက်ဆံရေးလည်း အလွန်ကောင်းကြသည်။

ဤသင်ခန်းစာသည် သင်၏ကိုယ်ပိုင်အသိဉာဏ်နှင့် မိမိကိုယ်ကို ခေါင်းဆောင်နိုင်မှုတိုးတက်စေမည့် အစိတ်အပိုင်းများကို နားလည်ရန် ကူညီပေးသည်။ ခေါင်းဆောင်တစ်ဦးအနေဖြင့် ယုံကြည်စိတ်ချရမှုကို တည်ဆောက်ရာတွင် အထောက်အကူဖြစ်စေရန် အဆင့်သုံးဆင့် လုပ်ငန်းစဉ်ကို ဖော်ပြထားသည်။

အဖွဲ့ခေါင်းဆောင်- Karen Rodrigues
အသင်းသား(များ)- Andres Perez
နိုင်ငံတွင်းလုပ်ဖော်ကိုင်ဖက်(များ)- Widagdo Sri Nugroho
သုံးသပ်သူ- Jenny-Ann Toribio

တိရစ္ဆာန်ဆေးကုဆရာဝန်များသည် တိရစ္ဆာန်မှလူသို့ ကူးစက်ရောဂါများ ကူးစက်ပျံ့နှံ့မှုကို ထိန်းချုပ်ရန်နှင့် အစားအသောက်စနစ်များ၏ ဘေးကင်းမှုကို အာမခံချက်ပေးသည့် လှုပ်ရှားမှုများမှတစ်ဆင့် ကမ္ဘာ့ကျန်းမာရေးကို ပံ့ပိုးရာတွင် အရေးပါသော အခန်းကဏ္ဍမှ ပါဝင်ပါသည်။ အစိုးရနှင့် နိုင်ငံလုံးဆိုင်ရာ အဖွဲ့အစည်း အများအပြားသည် ဤကျန်းမာရေးဆိုင်ရာ ကြိုးပမ်းမှုများကို ပံ့ပိုးပေးမည့် မူဝါဒများချမှတ်ရန် အတူတကွ လုပ်ဆောင်ကြသည်။ ၎င်းတို့သည် ကျန်းမာရေးကို မြှင့်တင်ရန်၊ အရင်းအမြစ်များကို ညှိနှိုင်းလုပ်ဆောင်ရန်နှင့် စားသုံးသူများထံ ကုန်ပစ္စည်းများ ကုန်သွယ်မှုကို ဘေးကင်းအောင် ထိန်းညှိရန် ထိရောက်သော အလေ့အကျင့်များနှင့် စံချိန်စံညွှန်းများကို ကျယ်ကျယ်ပြန့်ပြန့် အသုံးပြုမှုကို မြှင့်တင်ကြသည်။

One Health စံနှုန်းတွင် လူသား-တိရစ္ဆာန်-ပတ်ဝန်းကျင်ကြားတွင် လက်ရှိနှင့် အနာဂတ်ကျန်းမာရေးဆိုင်ရာ ခြိမ်းခြောက်မှုများကို ကိုင်တွယ်ဖြေရှင်းရန် နိုင်ငံနှင့် ကမ္ဘာလုံးဆိုင်ရာ ယန္တရားများတည်ဆောက်ရန်အတွက် ကဏ္ဍပေါင်းစုံနှင့် စည်းကမ်းပေါင်းစုံ ချဉ်းကပ်မှု လိုအပ်ပါသည်။ ဤသင်ခန်းစာတွင် သင့်အား မူဝါဒဆိုင်ရာလုပ်ငန်း၏ အခြေခံမူများကို ‌ပြထားသည်၊ အဓိက အစိုးရထိန်းချုပ်သူများကို မိတ်ဆက်ပေးသည်၊ စနစ်များအတွင်း လက်တွေ့လုပ်ဆောင်နေသူ တစ်ဦးချင်းစီအပေါ် အကျိုးသက်ရောက်မှုကို စူးစမ်းလေ့လာသည်။

အဖွဲ့ခေါင်းဆောင်- Kaylee Myhre-Errecaborde
အဖွဲ့၀င်(များ)- Andres Perez၊ Mary Katherine O’Brien
နိုင်ငံတွင်းလုပ်ဖော်ကိုင်ဖက်(များ)- Sothyra Tum
သုံးသပ်သူ- Jenny-Ann Toribio

တိရစ္ဆာန်ကျန်းမာရေး အရေးပေါ်အခြေအနေအတွက် ထိရောက်သောတုံ့ပြန်မှုတွင် ပါဝင်ပတ်သက်သူအားလုံးနှင့် အစိုးရကဏ္ဍများအကြား ဆက်သွယ်ပြောဆိုမှုလိုအပ်ပါသည်။ အဓိက အစိတ်အပိုင်းမှာ သိပ္ပံပညာအပေါ် ယုံကြည်မှုကို ထိန်းသိမ်းခြင်းနှင့် ကာကွယ်ခြင်း သို့မဟုတ် ထိန်းချုပ်ခြင်းဆိုင်ရာ အစီအမံများအတွက် မြင့်မားသော ပံ့ပိုးကူညီမှု အဆင့်များဖြစ်သည်။ အထူးသဖြင့် ဤအစီအမံများသည် ကိုယ်တိုင်လုပ်နိုင်စွမ်းကို စိန်ခေါ်ခြင်း သို့မဟုတ် သက်ရောက်မှုခံရသော အိမ်ထောင်စုများ၏ စားဝတ်နေရေးကို ဆိုးကျိုးသက်ရောက်မှုများရှိလျှင် အကျုံးဝင်ပါသည်။

တိရစ္ဆာန်ကျန်းမာရေး အရေးပေါ်အခြေအနေ ဖြစ်လာသောအခါ တိရစ္ဆာန်ဆေးကုသရေး ဆိုင်ရာကျွမ်းကျင်လိမ္မာစွာ ဆက်သွယ်ပြောဆို နိုင်သူများဖြစ်ရမည်ဖြစ်ပြီး ထိုကျွမ်းကျင်မှုကို ပေါင်းသင်းဆက်ဆံရေးအဆင့်တိုင်းတွင် အသုံးချတတ်ရမည်၊ တစ်ခါတစ်ရံတွင် ကမ္ဘာလုံးဆိုင်ရာ အတိုင်းအတာအထိပင် ကျွမ်းကျင်စွာ အသုံးချနိုင်ရမည်။ ဤသင်ခန်းစာသည် မီဒီယာမှတစ်ဆင့် သာမန်အများပြည်သူနှင့် ဆက်သွယ်ခြင်းကို အဓိကထားပါသည်။ ၎င်းသည် အရေးပေါ်ကာလအတွင်း ဆက်သွယ်ရာတွင် အထိရောက်ဆုံးဖြစ်မည့် သတင်းများကို သင့်အား ထည့်သွင်းစဉ်းစားစေပြီး ထိရောက်သောမက်ဆေ့ချ်တစ်ခုကို ဖန်တီးနိုင်စေရန် ကူညီပေးမည်ဖြစ်သည်။

အဖွဲ့ခေါင်းဆောင်- Mieghan Bruce
အဖွဲ့၀င်(များ)- Harish Tiwari
နိုင်ငံတွင်းလုပ်ဖော်ကိုင်ဖက်(များ)- တုတုဇော်ဝင်း
သုံးသပ်သူ- Jenny-Ann Toribio